ქალბატონი ლეილა ჭურღულია-ქოიავა მოკრძალებულად ახასიათებს თავის სისხლსა და ხორცს: „ძალიან მიჭირს მოგონებებით ვილაპარაკო შვილზე, ძმასა და მამაზე. იმ ავბედით ომში მიშიკო ქოიავა, რომელიც თბილისის სახელმწიფო უნივერსიტეტის სოხუმის ფილიალის იურიდიული ფაკულტეტის მესამე კურსის სტუდენტი იყო, თავისი სურვილით წავიდა. სოხუმის კომენდატურის ათეულის მეთაურმა, 20 წლის მიშიკო ქოიავამ, თავისი ძვირფასი საუნჯე –სიცოცხლე უყოყმანოდ შესწირა უფრო ძვირფასს – სამშობლოს. 1993 წლის 24 აპრილს მიშიკოს სული ვაჟკაცურად გაილია.