მგელი და კრავი, იგავი, ეზოპე

მგელი და კრავი, მხატვარი ჟან-ბაპტისტ ოდრი (1686-1755)

— ერთხელ მგელი მდინარეზე წყურვილს იკლავდა. უეცრად კრავი შენიშნა იმავე მდინარეს რომ დასწაფებოდა. – ეი, თავხედო! –გასძახა მგელმა, როგორ ბედავ ამიმღვრიო სასმელი წყალი! –უკაცრავად, მოწყალეო ხელმწიფევ , – მოკრძალებით მიუგო კრავმა –თქვენ ზემოთა ხართ, მე ქვემოთ, როგორ აგიმღვრევთ წყალსაო? –მგელი შეიჭმუხნა და უთხრა: –ასევე უკმეხად მიპასუხე შენ ამ ერთი წლის წინათ! – კი, მაგრამ მე ხომ მაშინ დაბადებულიც არ ვიყავი! –გაუკვირდა კრავს. –მაშინ შენი ძმა იქნებოდა! –არც ძმა მყავს, დიდებულო ხელმწიფეო! –ძმა თუა არა მამა ყოფილა ის შენი, ანდა სხვა რომელიმე ნათესავი, –დაიღრიალა მგელმა. – თქვენ ხომ ყველას ერთნაირად გძულვართ, ახლა კი დროა მეც შური ვიძიო! – ამ სიტყვებით მივარდა კრავს, ნაკუწ–ნაკუწად დაგლიჯა და მადიანად შეექცა! 

შეგონება: უფროსის ტყუილს გასავალი აქვს და მოსამსახურის სიმართლეს კი არავინ იჯერებს 

https://zgapara.wordpress.com/2020/05/21/%e1%83%9b%e1%83%92%e1%83%94%e1%83%9a%e1%83%98-%e1%83%93%e1%83%90-%e1%83%99%e1%83%a0%e1%83%90%e1%83%95%e1%83%98/