1893 წელს დაამთავრა ახალციხის სატყეო სასწავლებელი. იმავე წელს დაინიშნა მარტყოფის სატყეოს უფროსის თანაშემწედ.
1907 წლიდან სამუშაოდ გადაჰყავთ ბაკურიანის სატყეო მეურნეობაში.
1910 წლიდან წაღვერის სატყეოს უფროსია.
1918 წელს კი დააარსა სურამის სატყეო მეურნეობა.
1921-1922 წწ. მან პირველმა დააარსა თესლის საშრობი ქარხანა. დაამზადა წიწვოვანთა ჯიშების თესლი, რომელიც იგზავნებოდა რუსეთში, სომხეთში და აზერბაიჯანში.
1935 წლიდან მურვანიშვილი სურამის სატყეო მეურნეობის დირექტორია, მისი დამსახურებით სურამის გარშემო 130 ჰა-ზე გააშენეს ფიჭვნარი.
ჰყავდა 6 შვილი, 2 ვაჟი და 4 გოგო. მისი ერთ-ერთი შვილიშვილის ცნობილი ოფთალმოლოგის ციალა შურღაიას შვილია ცნობილი ქართველი ფეხბურთელი დავით ყიფიანი.
გარდაიცვალა 1959 წელს. დაკრძალულია სურამში გვერდისუბნის სასაფლაოზე. მისი სახელი ეწოდება სურამის ერთ-ერთ ქუჩას.
მას საქართველოს ტყეების „მესაძირკვლესაც“ უწოდებდნენ, რადგან სწორედ მან დაიწყო ტყეების მასშტაბური გაშენება სხვადასხვა კუთხეებში: მარტყოფი, საგარეჯო, ყვარელი, აბასთუმანი, ბაკურიანი წაღვერი და ბოლოს სურამი...
მურვანიშვილს გამოყავდა წიწვოვანი ხეების თესლები, რომელიც სხვადასხვა ქვეყნებშიც გაჰქონდათ.
მიხეილ მურვანიშვილმა სანერგეები მოაწყო ბორჯომში, აბასთუმანში, წაღვერში, წყალტუბოსა და ბახმაროში. დაარსა ბორჯომის სატყეო მუზეუმი, რომელიც მოგვიანებით მხარეთმცოდნეობის მუზეუმად გადაკეთდა.
სურამის გარშემო ახალი ტყეები გააშენა. ბაიანთხევის და კვირაცხოვლის სერებზე, ნუნის ზვარეში ფიჭვის ტყეები გააშენა.
ტერასებად გაშენებულ ტყეებს, მურვანიშვილს დანაშაულადაც კი უთვლიდნენ.
ბორჯომის ხეობის, კეჩხობის, სურამის და წაღვერის ტყეები ამ საოცარი ადამიანის დამსახურებაა!
მიხეილ მურვანიშვილი დაკრძალულია სურამში, თავისივე გაშენებულ ბაიანთხევის ტყეში.
