წყარო ალავერდის ეპარქია 1917-2007 წლებში ავტ. გიორგი მაჩურიშვილი

ტოპეშაშვილი პავლე იოანეს ძე 1874 წელს მედავითნე გლეხის ოჯახში დაიბადა. სასწავლებელში არ უსწავლია.

1892 წლის აგვისტოში ჯუგაანის ჯვარპატიოსანის სახელობის ეკლესიის უშტატო მედავითნედ დაინიშნა. ამავე წლის ბოლოს გლდუისის წმინდა გიორგის სახელობის ეკლესიის მედავითნედ გადაიყვანეს.

1893 წლის სექტემბერში უკანა ფშავის სამრევლოს მედავითნედ განამწესეს.

1900 წლის 23 ნოემბერს მუსხის წმინდა გიორგის სახელობის ეკლესიაში გადაიყვანეს.

1902 წლის 15 დეკემბერს ვანთის ხელთუქმნელი ხატის სახელობის ეკლესიის მედავითნედ განამწესეს. 1907 წლის 17 ივლისს ალავერდელმა ეპისკოპოსმა დავითმა (კაჭახიძე) მღვდლად დაასხა ხელი და შატილის წმინდა გიორგის სახელობის ეკლესიის წინამძღვრად განამწესა.

1910 წლის 11 ოქტომბერსმრევლის სიმცირის გამო დროებით შტატიდან დაითხოვეს და ჯამაგირი შეუწყვიტეს.

1911 წლის 26 იანვარს წინანდლის წმინდა გიორგის სახელობის ეკლესიის მედავითნედ, ხოლო ამავე წლის 20 აპრილიდან კი - მარტყოფის მაცხოვრის ხელთუქმნელი ხატის სახელობის საკათედრო ეკლესიის მედავითნედ განამწესეს.

1912 წლის 18 იანვარს ქედის წმინდა გიორგის სახელობის ეკლესიის წინამძღვრად დაადგინეს. 1915 წლის 12 ივლისს საგვერდულით დაჯილდოვდა.

1916 წლის 6 ივლისს მაღაროს ფერისცვალების სახელობის ეკლესიის წინამძღვრად გადაიყვანეს. XX საუკუნის 20-იანი წლებში საგარეჯოს წმინდა დოდოს სახელობის ეკლესიაში მსახურობდა. მღვდელი პავლე თებერვალი 1942 წელს გარდაიცვალა.

მამა პავლეს მეუღლე, ევა ნიკოლოზის ასული მჭედლიშვილი (1881-1961) ს.კაკაბეთიდან დაკრძ. ნინოწმიდის საგვარეულო სასაფლაოზე მეუღლის გვერდით

მამა პავლეს მშვობლები ივანე ტოპეშაშვილი (მედავითნე) და დედა მანძულაშვილების ქალი

ფოტო გადაღებულია ვლადიკავკავზში მღვდლად ხელდასხმამდე

ძმა ზაქარია ივანეს ძე ტოპეშაშვილი (მღვდელი)

ინფორმაცია მოგვაწოდა პავლე ივანეს ძე ტოპეშაშვილი (შვილიშვილი) დაბ. 18 ოქტომბერი 1847 წელს. ცხოვრობს და მოღვაწეობს სოფ. ნინოწმიდა (საგარეჯო). 

ფოტოზე შვილიშვილები მარცხნივ პავლე ივანეს ძე ტოპეშაშვილი და მიხეილ ივანეს ძე ტოპშაშვილი. ამჟამად ცხოვრობენ გერმანიაში