მღვდელი რომანოზ ხაბურზანია
დაიბადა 1983 წლის 4 ოქტომბერს ქ. ზუგდიდში.
2001 წელს დაამთავრა სოფ. ჯიხაშკარის N1 საშუალო სკოლა და
იმავე წელს ჩაირიცხა ზუგდიდის დამოუკიდებელ უნივერსიტეტში, საგუნდო-სადირიჟორო ფაკულტეტზე,
რომელიც დაამთავრა 2006 წელს.
1984 წელს მოინათლა ილორის წმ. გიორგის ტაძარში, ხოლო 2000 წლიდან ცხოვრობს ეკლესიურად.
2005 წლიდან გალობდა ზუგდიდის ხარების ტაძარში.
2006 წელს ზუგდიდისა და ცაიშის მიტროპოლიტ გერასიმეს ლოცვა-კურთხევით ჩაირიცხა
გიორგი მთაწმინდელის სახელობის საეკლესიო გალობის უმაღლეს სასწავლებელში სარეგენტო-სალოტბარო
სპეციალობით, რომელიც დაამთავრა 2009 წელს. ამავე წელს ჩაირიცხა თბილისის სასულიერო სემინარიაში, ღვთისმეტყველების
ფაკულტეტზე, რომელიც დაამთავრა 2012 წელს. სტუდენტობის პერიოდში გალობდა მთაწმინდაზე, მამა
დავითის მონასტერში. გალობას ასწავლიდა ორმოცი სებასტიანელისა და თაბორის ფერისცვალების მონასტერში. ასევე
სტიქაროსნად მსახურობდა სამების საკათედრო ტაძარში.
2012 წლის მარტიდან გადმოვიდა ქ. ზუგდიდში და ვლაქერნის ღმრთისმშობლის ხატის საკათედრო ტაძარში
მსახურობდა მედავითნედ. 2013 წლის 29 დეკემბრიდან ზუგდიდისა და ცაიშის მიტროპოლიტ გერასიმემ ხელი დაასხა დიაკვნად და მსახურობდა ჯიხაშკარის ხარების ტაძარში.
2016 წლის 20 სექტემბრიდან მიტროპოლიტმა გერასიმემ მღვდლად აკურთხა და დანიშნა ჯიხაშკარის ხარების ტაძრის წინამძღვრად.
2019 წლის სექტემბრიდან, მიტროპოლიტ გერასიმეს ლოცვა-კურთხევით, დროებით გადავიდა მცხეთა-თბილისის ეპარქიაში და მსახურობდა მთაწმინდაზე,
მამა დავით გარეჯელის მონასტერში.
2021 წლის მარტიდან
გვ85
დაუბრუნდა ზუგდიდისა და ცაიშის ეპარქიას და მღვდლად მსახურობდა ზუგდიდის ვლაქერნის ღმრთისმშობლის ხატის
საკათედრო ტაძარში, ხოლო ამავე წლის 2 მაისიდან ჯიხაშკარის ხარების ტაძრის წინამძღვარია.
ჰყავს მეუღლე და ორი შვილი.
ზუგდიდი, სოფ. ჯიხაშკარი.
