ლუარსაბ I (დ. 1502 — გ. 1556) — ქართლის მეფე 1527—1556 წლებში, დავით X-ის ძე (წყაროებში გვხვდება მისი მეფობის სხვა თარიღებიც: 1530—1556, 1534—1558 და სხვ.), 1522 წელს თავი ისახელა ყიზილბაშების წინააღმდეგ ბრძოლაში. 1526 წელს პოლიტიკური კავშირი შეკრა იმერეთის მეფე ბაგრატ III-სთან. 1535, როდესაც ბაგრატ III-მ სამცხე-საათაბაგო შეიერთა, ლუარსაბ I-მა ჯავახეთი დაიმორჩილა. ლუარსაბ I ცდილობდა სპასეთისა და ოსმალეთის აგრესიის წინააღმდეგ მებრძოლ ქართულ სამეფო-სამთავროთა ძალების გაერთიანებას. 30-იან წლებში ქართლ-იმერეთის კავშირი გაფართოვდა ლუარსაბ I-ისა და კახეთის მეფის ლევანის შეკავშირებით. ამას წინ აღუდგა ირანის შაჰი თამაზ I, რომელმაც პირადად ოთხი დიდი ლაშქრობა (1541, 1547, 1551, 1554) მოაწყო საქართველოში. 1541წელს შაჰის პირველი ლაშქრობის შედეგად ლუარსაბ I-მა თბილისი დაკარგა, კახეთი მტერს დამორჩილდა და ქართული სამეფოთა კავშირს გამოეთიშა. 1545 წელს ლუარსაბ I თავისი ლაშქრით დაეხმარა ბაგრატ III-ს შემოსეულ ოსმალთა წინააღმდეგ ბრძოლაში, მაგრამ ქართლ-იმერეთის შეერთებული ლაშქარი სოხოისტას ბრძოლაშიდამარცხდა და სამცხე-საათაბაგოში ოსმალებმა თავიანთი მომხრე ათაბაგის ხელისუფლება აღადგინეს. პაპი პავლე III1545 წლის 17 ივნისს უგზავნის ლუარსაბს წერილს, გამოხატავს რა მზადყოფნას, რომ ელჩები გამოგზავნოს, ულოცავს ლუარსაბს ლევანთან ერთად მიღწეულ კავშირს და იმასაც, რომ რომ ლუარსაბმა სცნო და აღიარა პაპი, გზავნის რა მოგვიანებით (1546) საქართველოში ელჩებს ერთიანობის ნიშნად. მანამდე კი ლუარსაბ I უგზავნის პავლე III-ს ელჩებს, უცხადებს რა მას მორჩილებას და მზადყოფნას, კათოლიკე მისიონარებთან ერთად ეკლესიათა ერთიანობის მისაღწევად. ვიკიპედია

 ქართლის მეფე 1527-1556წწ., დავით X-ის ძე, 1522 წელს თავი ისახელა ყიზილბაშების წინააღმდეგთელეთის ბრძოლაში. ლუარსაბ I ცდილობდა სპარსეთისა და ოსმალეთის აგრესიის წინააღმდეგ მებრძოლ ქართულ სამეფო-სამთავროთა ძალების გაერთიანებას. მის დროს შაჰ თამაზ I-მა ოთხი ლაშქრობა მოაწყო საქართველოში(1541, 1547, 1551 და 1554). 1541 წელს შაჰმა თბილისი აიღო და ქალაქში ყიზილბაშთა გარნიზონი ჩააყენა. დაახლოებით 1552 წელს ლუარსაბ I-მა თბილისი დაიბრუნა, მაგრამ ვერ შეინარჩუნა; 1540-1550წწ. შაჰის ბრძანებით თბილისი და ქვემო ქართლი აღწერეს და უშუალოდ ირანის სახელმწიფოს დაუმორჩილეს. ეს იყო "ყიზილბაშობის" შემოღების პირველი ცდა ქართლში. 1555 წელს ამასიის ზავით ირან-ოსმალეთმა საქართველო გაინაწილეს. ლუარსაბ I  არ ცნობდა ამ ზავს და ბრძოლას განაგრძობდა, რითაც დაიბრუნა ქართლოს რამდენიმე ციხე-სიმაგრე, ძლიერ შეავიწროვა თბილისის ყიზილბაშური გარნიზონი. 1556 ყიზილბაშების წინააღმდეგ გარისის ბრძოლაში ლუარსაბ I სასიკვდილოდ დაჭრა. ეროვნული ბიბლიოთეკა