მურთაზ ალექსანდრეს ძე ჩაგუნავა დაიბადა 1942 წლის 4 თებერვალს ქალაქ სოხუმში. 

საშუალო სკოლის დამთავრების შემდეგ ჩაირიცხა საქართველოს სუბტროპიკული მეურნეობის ინსტიტუტში, მექანიზაციის ფაკულტეტზე. 1964-1965 წლებში მსახურობდა შინაგან ჯარში.  1968 წელს მუშაობა დაიწყო აფხაზეთის შსს რაიონულ განყოფილებაში. იყო უბნის ინსპექტორი, შინაგან საქმეთა სამინისტროს ერთ ერთი განყოფილების უფროსი. პოლიციის მაიორი მურთაზ ჩაგუნავა სანიმუშო სამსახურისთვის დაჯილდოვებული იყო მთავრობის საპატიო მენდლებით და სიგელებით.

აფხაზეთში მიმდინარე საომარი მოქმედებების დროს, მურთაზ ჩაგუნავა აქტიურად მონაწილეობდა არაერთ სახიფათო და რთული საბრძოლო ოპერაციაში.

მურთაზ ჩაგუნავა გარდაიცვალა 1993 წლის 5 ივნისს საბრძოლო მოვალეობის შესრულების დროს.

დარჩა მეუღლე და ოთხი შვილი.