1977 წლიდან მუშაობდა რაიონულ გაზეთ "ახალ მარნეულში" კორესპონდენტად; 1979 წლიდან ჰოლდინგურ კომპანია "სამთო ქიმიაში" ამავე სახელწოდების მრავალტირაჟიანი გაზეთის რედაქტორის მოადგილედ, პროფკომიტეტის თავმჯდომარის მოადგილედ, პრეზიდენტის თანაშემწედ; 2000 წლიდან გაზეთ "კვირის პალიტრაში" მთავარი რედაქტორის თანაშემწედ, სტილისტ-რედაქტორად; 2011 წლიდან მუშაობს ისტორიულ-შემეცნებითი ჟურნალის "ისტორიანის" სტილისტ-რედაქტორად და გამომცემლობა "პალიტრა L-ის" რედაქტორად; არის "პალიტრა L-ის" მიერ გამოცემული ასზე მეტი წიგნის რედაქტორი. მათ შორის ისეთი სერიების წიგნებისა, როგორებიცაა: "50 წიგნი, რომელიც უნდა წაიკითხო, სანამ ცოცხალი ხარ", "ჩემი რჩეული მსოფლიო", "პალიტრა კლასიკა"; ასევე რედაქტორია ცალკეული წიგნების, მათ შორის: გიორგი კალანდიას "სამი ქართული ამბავი"; Toresa Mossy-ს (ვახტანგ მოსიაშვილის) "სიბრძნე სიცრუისა"; ლევ ტოლსტოის "ომი და მშვიდობა" ორ წიგნად (ილია აგლაძის და არისტო ჭუმბაძის თარგმანი); მამა ადამის "სოხუმის ქუჩაზე" (ლექსები) და "იმიტომ,  რომ სახლია შენი!" (პროზაული ტექსტები). მისი პუბლიკაციები (ნარკვევები, რეპორტაჟები, ინტერვიუები) პერიოდულად ქვეყნდებოდა თანადროულ რესპუბლიკურ პრესაში, მათ შორის გაზეთებში: "ახალგაზრდა კომუნისტი", "თბილისი", "კვირის პალიტრა", ასევე ჟურნალებში: "გზა", "რეიტინგი", "ისტორიანი". ლიტერატურული გადაცემები მიჰყავდა საქართველოს რადიოში. არის რვა წიგნის ავტორი (რომანები, პროზაული ტექსტები). ეს ტექსტები წიგნებად გამოცემამდე იბეჭდებოდა  ჟურნალებში "რეიტინგი" და "ოჯახის მკურნალი". არის მრავალი საბავშვო ლექსის ავტორი (ელენე სალარიძე – საბავშვო ლექსების ავტორები – kids.ge). გამოსაცემად მომზადებული აქვს საბავშვო ლექსებისა და ლიტერატურული ესსების კრებული.

• სხვათა ცოდვები : მოთხრობები (ავტორი). - თბილისი, საქართველოს მაცნე, 2017. - 175გვ.. - ISBN: 9789941165320
• საქართველოს საძიებლად თურქეთში : სამი ზაფხული თურქეთელ ქართველებთან (რედაქტორი). - თბილისი, საჩინო, 2017. - 128გვ.
• ქსოვილი საქართველოდან = Textile from Georgia (რედაქტორი) // წ. I. - თბილისი, ფავორიტი სტილი, 2017. - 400გვ.. - ISBN: 9789941096419
• ქსოვილი საქართველოდან (რედაქტორი) // წ. II. - თბილისი, 2017. - 500გვ.. - ISBN: 9789941819100
• შიდსი...ქართულად : რომანი (ავტორი). - თბილისი, საქართველოს მაცნე, 2017. - 240გვ.. - ISBN: 9789941165375
• ყველაფერი ახლა იწყება!... : რომანი (ავტორი). - თბილისი, საქართველოს მაცნე, 2017. - 192გვ.
• თეთრი ბურუსი : რომანი (ავტორი). - თბილისი, საქართველოს მაცნე, 2017. - 239გვ.. - ISBN: 9789941165337
• ვის ვართმევთ სიცოცხლეს... : რომანი (ავტორი). - თბილისი, საქართველოს მაცნე, 2017. - 208გვ.. - ISBN: 9789941165344
• ნუ ეძებთ დამნაშავეს... : რომანი (ავტორი). - თბილისი, საქართველოს მაცნე, 2017. - 192გვ.. - ISBN: 9789941165313
• სამი მეგობარი ანუ დაუჯერებელი ამბავი : რომანი (ავტორი). - თბილისი, საქართველოს მაცნე, 2017. - 144გვ.. - ISBN: 9789941165368
• ერთი დაბომბილი სოფლის ამბავი : რომანი (ავტორი). - თბილისი, საქართველოს მაცნე, 2017. - 190გვ.
• http://www.nplg.gov.ge/bios/ka/00014845/