1958-1966წწ. თამაშობდა თბილისის "პოლიტექნიკის" რაგბისტთა გუნდში; სხვადასხვა წლებში მუშობდა ქ. ქუთაისის მე-4 სამშენებლო ტრესტის საწარმოო განყოფილების უფროსად; კომბინატ "საქნახშირის" საპროექტო განყოფილების უფროსად; სსრკ მშენბანკის ქუთაისის განყოფილების უფროს ინჟინრად; დასავლეთ საქართველოში არის რაგბის პიონერი; 1967 წელს ტრესტის ბაზაზე შექმნა რაგბისტთა პირველი გუნდი - ქუთაისის "მშენებელი", რომელიც რამდენჯერმე გახდა საბჭოთა კავშირის ჩემპიონი; 1967-1969 წლებში იყო "იუჟსტალკონსტრუქციის" სამმართველოს ჯერ ოსტატი, შემდეგ უბნის უფროსი. ამ პერიოდში დაამონტაჟა ქუთაისში პირველი მაღლივი, 16 სართულიანი შენობის კარკასი (ჩონჩხი) რკინა-ბეტონის ანაკრები კონსტრუქციებით, დღევანდელი პარლამენტის წინ (იხ. გაზ. "ქუთაისი", ოთარ ბერეჩიკიძის ფოტო და სტატია). 1990-1996წწ. ქუთაისის აკაკი წერეთლის სახელმწიფო უნივერსიტეტში კითხულობდა ლექციების კურსს - "ქართულ-ებრაული ურთიერთობები"; 1972 წლიდან იყო გაზეთ "ქუთაისის" და "სოფლის ცხოვრების" შტატგარეშე კორესპონდენტი. ამავე წლიდან ეწევა პროფესიონალურ ლიტერატურულ და მეცნიერულ კვლევით მუშობას; მისი მეცნიერული ნაშრომი "ჰურიათა ქართველთა" კავკასიური წარმომავლობის შესახებ ახალ ფურცელს შლის ქართველთა და ახლო აღმოსავლეთის ხალხთა ისტორიოგრაფიაში; არის პირველი მკვლევარი, რომელმაც მეცნიერულ დონეზე დაასაბუთა ქართული ასომთავრული ანბანის წარმოშობა ძვ.წ. მე-14 საუკუნეში; 1989 წლიდან იაკობ პაპიაშვილის რომანები ("ქართული ლეგენდა" და "ხანისწყალთან"), მოთხრობები და ლექსები იბეჭდებოდა ისრაელის ქართულენოვან გაზეთში "ალია საქართველოდან". მისი ნაშრომები გამოქვეყნებულია ჟურნალ-გაზეთებში: "განთიადი", "ცისკარი", "ლიტერატურული საქართველო", "ნობათი", "მწერლის გაზეთი", "ქართული სიტყვა"; ატვირთულია მართლმადიდებლური ფორუმის ინტერნეტ საიტზე. ცხოვრობს და მოღვაწეობს ისრაელში.

ბლოგი "იაკობ პაპიაშვილის შემოქმედება" https://iakobblog.wordpress.com

• ისრაელის ACUM-ი, წევრი (1997-)
• ისრაელის მწერალთა კავშირი, წევრი (1997-)
• საქართველოს მწერალთა კავშირი, წევრი (1993-)
• სსრკ კომუნისტური პარტია, წევრი (1968-1991)
• ქართულ-ებრაული ასოციაცია, წევრი (1989-)
• 
  

• 2014 - ივანე მაჩაბლის სახელობის პრემია
• 1997 - ისრაელის პრეზიდენტის(ყეზერ ვაიტმანი) AMOC -ზალმან შაზარის სახელობის ფულადი ჯილდო-პრემია მეცნიერთათვის და მწერალთათვის
• 1972 - ქ. ქუთაისის ლიტერატურული კონკურსი, გამარჯვებული
• ისრაელის აბსორბციის სამინისტროს ფულადი ჯილდო-პრემია

• გაგრა : 2 რომანი, მოთხრობები, ესსები (ავტორი). - თბილისი, მერანი-ს გამ-ბა და სტ., 2013. - 348გვ.. - ISBN: 978-9941-9319-1-8
• ოდა იმერთა მეფის და აფხაზთა მთავრის შვილის თავდადებაზე : პოემა (ავტორი). - ქუთაისი, საგამომცემლო ცენტრი, 2010. - 116გვ.. - ISBN: 978-9941-0-2121-3
• სად არის საქართველო? : ლექსები და წერილები (ავტორი). - ქუთაისი, ქუთაისის სახელმწ. უნ-ტის გამ-ბა, 2002. - 100გვ.. - ISBN: 99928-79-20-3
• რომანი: ხანისწყალთან; მოთხრობები: ჰაბა, ნაგილა; იმერეთის გაზაფხული; ბედის საპირისპიროდ; მეცნიერება: "ისრაელის" ფენომენის გენეზისი... "მესხის" მნიშვნელობის განმარტება რუსთაველის და გალაკტიონის რამდენიმე სტროფის მიხედვით ლექსები (ავტორი). - ქუთაისი, ქუთაისი(სტ. N6), 1994. - 148გვ.
• ქართველ ებრაელთა წარმომავლობისა და ქართული ასომთავრული ანბანის შექმნის საკითხისათვის; ვეფხის დამცემი... და მისი ქართველი მეგობარი; საქართველოში ქრისტიანობის გავრცელების ისტორიიდან (ავტორი). - ქუთაისი, 1993. - 60გვ.
• მოთხრობები-დედა; სამი ანგელოზი; ბესია; მეცნიერება-"ყიბრიმის" მნიშვნელობის განმარტებისათვის ; რომანი-ქართული ლეგენდა (ავტორი). - ქუთაისი, ქუთაისი(სტ. N6), 1993. - 120გვ.
• ქართული ლეგენდა : რომანი (ავტორი). - თბილისი, მერანი, 1991. - 240გვ.
• ჰაბა, ნაგილა : მოთხრობები (ავტორი). - ქუთაისი, საბჭ. საქართველო, ქუთაისის ფილიალი, 1988. - 94გვ.
• http://www.nplg.gov.ge/bios/ka/00006060/