1946 წლიდან ეწევა სამწერლო მოღვაწეობას. პირველი მოთხრობა "თაგუნიას თავგადასავალი" გამოაქვეყნა ჟურნალ "ნაკადულში"; პირველი წიგნი - მოთხრობა "მამამ გამომგზავნა" - 1933 წელს; პირველი პიესა "ნაცარქექია" დაიდგა მოზარდ მაყურებელში - 1936 წელს. პოპულარული იყო მისი მოთხრობა "სილვა ვასილიევი" (1934),  რომანი "მგელკაცა" (1939). მას განსაკუთრებული ღვაწლი მიუძღვის ქართულ დრამატურგიაში. მისი პიესები "კომბლე" (1939), "აჩაკუნე" (1940), "წიწამური" (1956), "ფიროსმანი" (1960), "შაითან ხიხო" (1964) და სხვა.  წარმატებით იდგმებოდა თეატრებში. განსაკუთრებით პოპულარული იყო პიესა "ჭინჭრაქა" (1962), რომელიც 1963 წელს თბილისის შოთა რუსთაველის სახელობის სახელმწიფო აკადემიურ თეატრში დადგა რეჟისორმა მ. თუმანიშვილმა. ინსცენირებული აქვს ა. პუშკინის "კაპიტანის ქალიშვილი", ი. ჭავჭავაძის "გლახის ნაამბობი", ა. ყაზბეგის "ციცია", ვ. ჰიუგოს "კაცი რომელიც იცინის", მ. ჯავახიშვილის "არსენა მარაბდელი".

წყარო: თბილისი: ენციკლოპედია.- თბ., 2002. - გვ.708; ხელოვნების კალენდარი თეატრი, მუსიკა, კინო -თბ., -1992 - გვ. 67-68

• 1955 - საქართველოს ხელოვნების დამსახურებული მოღვაწე

• პიესები (ავტორი). - თბილისი, საქ. თეატრ. საზ-ბა, 1983. - 318გვ.
• შაითან ხიხო : ზღაპარი-კომედია 3 მოქმედებად (ავტორი). - თბილისი, ხელოვნება, 1970. - 88გვ.
• ჭინჭრაქა : ზღაპარი-კომედია 3 მოქმედებად, 7 სურათად (ავტორი). - თბილისი, ხელოვნება, 1969. - 89 გვ.
• მგელკაცა : რომანი (ავტორი). - თბილისი, საბჭოთა მწერალი, 1961. - 242გვ.
• http://www.nplg.gov.ge/bios/ka/00008446/