ვაშაკიძე გიორგი გიულის ძე (27 თებერვალი 1967) გენერალ-მაიორი (1993). დაბადების ადგილი: სოფელი დიდი ჯიხაიში, სამტრედიის მუნიციპალიტეტი.
1985–1987 წლებში მსახურობდა საბჭოთა არმიაში. აქტიურად მონაწილეობდა საქართველოს ეროვნულ-განმათავისუფლებელ მოძრაობაში. 1989–1990 წლებში იყო სამხედრო ეროვნული ფორმირების "მხედრიონის" ერთ-ერთი შემქმნელი და სამტრედიის რეგიონალური ორგანიზაციის ხელმძღვანელი. აფხაზეთის კონფლიქტის დროს თავდაპირველად მეთაურობდა გაგრის "მხედრიონის" ფორმირებას, შემდეგ–ოჩამჩირის სამხედრო ფორმირებას. 1993–1994 წლებში იყო საქართველოს თავდაცვის მინისტრის მოადგილე. 2001–2002 წლებში მუშაობდა საქართველოს წარმომადგენლად დსთ-ის შეიარაღებული ძალების საკოორდინაციო შტაბში.
წყარო: საქართველო: ენციკლოპედია: ტ.III.–თბ., 2014. გვ.197; http://dspace.nplg.gov.ge/handle/1234/102106
ჯილდოები, პრემიები და პრიზები
- 1993 - გენერალ-მაიორი
- 1993 - ვახტანგ გორგასლის III ხარისხის ორდენი