ვლადიმერ გუჯაბიძე 1945
ბიოგრაფია
დაბადების ადგილი: ლანჩხუთის რაიონი, სოფელი ჯურუყვეთი.
დაამთავრა თბილისის სამხატვრო აკადემია 1971 წელს.
მუშაობდა მხატვარ–გამფორმებლად თბილისის კომბინატ "ქალაქგაფორმებაში"; 1975 წელს მოეწყო მისი ნამუშევრების პერსონალური გამოფენა თბილისში, შემდეგ იტალიაში; 1976 წელს საცხოვრებლად გადავიდა აშშ–ში, სადაც მუშაობდა ქანდაკებების ჩამომსხმელად, დიზაინერად; 1981 წელს მისი სკულფტურული ნამუშევრები ერდროულად გამოიფინა ნიუ–იორკის რამდენიმე გალერეაში; 1989 წელს ო. როდენის სახელობის III საერთაშორისო კონკურსში (ტოკიო) მისი სკულპტურული კომპოზიცია "დაუოკებელნი" 15 გამარჯვებულს შორის მოხვდა და ტოკიოს ერთ–ერთ ქუჩაზე დაიდგა, ხოლო ქანდაკება "მუზა" დგას ჰამილტონის ტბის ნაპირას (ჩიკაგოს მახლობლად, აშშ); მხატვრულად აქვს გაფორმებული საზოგადოებრივი დანიშნულების რამდენიმე ობიექტი, მათ შორის – კინემატოგრაფისტთა და ჟურნალისტთა შემოქმედებითი სახლი (ბიჭვინთა); ნაყოფიერად მუშაობს ჭედურ ხელოვნებაში, ფერწერასა და გრაფიკაში; მისი ნამუშევრები დაცულია აშშ–ის მრავალ მუზეუმსა და კერძო კოლექციებში.
წყარო: საქართველო: ენციკლოპედია: ტ.2. – თბ., 2012. – გვ.236
ჯილდოები, პრემიები და პრიზები
- გამოფენა "კნიკერ ბოკერის" ოქროს მედალი