დაამთავრა თბილისის სამხატვრო აკადემია 1954 წელს.

იყო დ. კაკაბაძისა და ს. ქობულაძის მოწაფე. გამოფენებში მონაწილეობდა 1955 წლიდან. მისი გრაფიკული ნამუშევრებისთვის დამახასიათებელია დინამიზმი, რიტმულობა, კომპოზიციური მთლიანობა. აღსანიშნავია ლინოგრავიურების სერიები: "ქართული ხალხური ცეკვები" (1957), "ქართული ხალხური სიმღერები"(1959), "ქართული ხალხური თამაშობანი" (1960), სადაც ნახატის საშუალებით გადმოცემულია ქართველი ხალხისათვის დამახასიათებელი განწყობილება და ხასიათი (ყველა შ. ამირანაშვილის ხელოვნების მუზეუმი). წარმატებით მუშაობდა ფერწერაში; მასვე ეკუთვნის ნ. გილიენის ლექსების ილუსტრაცია (1961) და სხვა. მოხატა ყვარლის ღვინის სარდაფის სადეგუსტაციო დარბაზი. 1964 წელს გამოსცა ალბომი "ქართული ხალხური ცეკვები, სიმღერები, თამაშობანი ნახატებში". გრაფიკოსი, ფერმწერი, თეატრის მხატვარი.

წყარო: თბილისი – ენციკლოპედია. – თბ., 2002 – გვ.492

• 1984 - საქართველოს სახალხო მხატვარი