შორენა ლებანიძე (1965) დაიბადა თბილისში.
დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1989 წელს. 1990-1997წწ. პირველი ქართული დამოუკიდებელი გაზეთის – "7 დღის" სარედაქციო კოლეგიის წევრი; წერდა იმ პერიოდში შექმნილი ურთულესი სოციალურ-პოლიტიკური ვითარების ამსახველ პუბლიცისტურ სტატიებს, ნარკვევებს, კრიტიკულ წერილებს, რეპორტაჟებს კონფლიქტის ზონებიდან – აფხაზეთიდან და სამეგრელოდან, აწარმოებდა ჟურნალისტურ გამოძიებებს, ეხმაურებოდა ყველა მნიშვნელოვან მოვლენას; მომდევნო წლებში გაზეთ "რეზონანსის" პოლიტიკის განყოფილების ჟურნალისტი, "საქართველოს გაზეთის" გვერდის რედაქტორი, ტელეკომპანიების – "რუსთავი 2"-ისა და "იმედის" – საინფორმაციო გადაცემების ჟურნალისტი, "მეცხრე არხის" ღამის საინფორმაციო გამოშვების რედაქტორი; თანამშრომლობდა გაზეთებთან – "კვირის პალიტრა" და "24 საათი"; 2006-2011წწ. ტელეკომპანია "რუსთავი 2"-ის დოკუმენტური ფილმების განყოფილების სცენარისტი და შემდეგ დოკუმენტური ფილმების შემოქმედებითი ჯგუფის წევრი.
ჯილდოები, პრემიები და პრიზები
- 2008 - სატელევიზიო ფილმების ფესტივალ "ნიამორის“ ლიტერატურული კონკურსის გამარჯვებული და ჟურნალ "ცხელი შოკოლადის“ მიერ დაწესებული მთავარი ჯილდო და ფულადი პრემია
ნარკვევი "8848 (ევერესტზე ასული ქართველი ალპინისტის დღიურები)“
ბიბლიოგრაფია
- საშვი კონფლიქტის ზონაში : რომანი (ავტორი). - თბილისი, არტანუჯი, 2014. - 264გვ.. - ISBN: 978-9941-445-58-3
- ეს მე ვარ - ფიროსმანი : რომანი (ავტორი). - თბილისი, არტანუჯი, 2012. - 252გვ. . - ISBN: 978-9941-421-85-3
- მაესტროს დაბრუნება : ევგენი მიქელაძის ცხოვრების ქრონიკები: დოკუმენტ. მოთხრობა (ავტორი). - თბილისი, 2004. - 120გვ.
- ნახტომი უსასრულობაში : სამი გმირი ოჯახიდან (ავტორი). - თბილისი, 2003. - 132გვ.
