ნატალია ბურმისტროვა ( 14 მარტი 1918-2018) მსახიობი.

დაბადების ადგილი: ქ. ბორისოვი, მინსკის გუბერნია.

1936 წელს გახდა ტომსკის დრამისა და კომედიის თეატრის დასის წევრი; მოგვიანებით მუშაობდა პეტროპავლოვსკის დრამატულ თეატრში, გორკის დრამის თეატრში და სხვ.; მეორე მსოფლიო ომის მონაწილე. 1941 წლიდან იყო სანიტარული მატარებლის სანიტარი, შემდეგ მოძრავი საფრონტო თეატრის მსახიობი. 1948 წლიდან თბილისის გრიბოედოვის სახელობის დრამატული თეატრის წამყვანი მსახიობი. ითამაშა 200-მდე მთავარი როლი. თეატრში განასახიერა როლები: ნინა ზარეჩნაია ("თოლია", ა. ჩეხოვი), ტანია ("ტანია", ა. არბუზოვი), მაშა ("ცოცხალი ლეში", ლ. ტოლსტოი), ლუიზა ("ვერაგობა და სიყვარული", შილერი), ლიდია ვასილის ასული ჟერბერი ("ძველმოდური კომედია", ა. არბუზოვი), "ჩაძირული ქვები", ი. მოსაშვილი და სხვ.

< >