გიორგი ჯიბლაძე (დ. 27 აპრილი, 1913, ქუთაისი — გ. 23 სექტემბერი, 1989, თბილისი) — ქართველი ფილოლოგი, ლიტერატურათმცოდნე, ლიტერატურის კრიტიკოსი და ესთეტიკოსი. საქართველოს სსრ მეცნიერებათა აკადემიის აკადემიკოსი (1960), სსრ კავშირის პედაგოგიკურ მეცნიერებათა აკადემიის აკადემიკოს-დამფუძნებელი, სახელმწიფო უნივერსიტეტის პროფესორი, ფილოლოგიურ მეცნიერებათა დოქტორი, მეცნიერების დამსახურებული მოღვაწე.
დაიბადა 1913 წლის 27 აპრილს ქალაქ ქუთაისში. მამა – ნიკოლოზი იყო ქართული ავიაციის ერთ-ერთი ვეტერანი, დედა - ივლიტა კიკალეიშვილი, პროფესიით ექთანი 1919 წელს გარდაიცვალა და გიორგი და უმცროსი და. გუგული დაობლდა.
1930 წელს დაამთავრა ქუთაისის პირველი ათწლედი. იმავე წელს ჩაირიცხა თბილისის პედაგოგიკურ ინსტიტუტში. გამოქვეყნებული აქვს კრიტიკული ეტიუდების სერია. 1932 წლიდან მუშაობდა „ახალგაზრდა კომუნისტის” რედაქციაში, რომელსაც იმ პერიოდში კანდიდ ჩარკვიანი რედაქტორობდა.
საქართველოს სსრ სახელმწიფო პრემიის ლაურეატი (1987). გარდაიცვალა 1989 წელს ქალაქ თბილისში. ვიკიპედია
ქართველი ფილოლოგი, ლიტერატურათმცოდნე, ლიტერატურის კრიტიკოსი, ესთეტიკოსი.
დაამთავრა თბილისის სახელმწიფო უნივერსიტეტი 1933 წელს.
1935 წლიდან ეწეოდა პედაგოგიურ საქმიანობას უმაღლეს სკოლაში; 1944-1946წწ. საქართველოს მწერალთა კავშირის მდივანი, საქართველოს სსრ III-V, VII-XI მოწვევების უმაღლესი საბჭოს დეპუტატი; 1950-1953წწ. საქართველოს კპ თბილისის კომიტეტის მდივანი; 1953-1960წწ. საქართველოს სსრ განათლების მინისტრი; 1960-1961წწ. საქართველოს კპ ცკ-ის მდივანი და ბიუროს წევრი; 1963-1980წწ. საქართველოს სსრ უმაღლესი და საშუალო სპეციალური განათლების მინისტრი. იკვლევდა ქართული ლიტერატურის, ესთეტიკის თეორიის პრობლემებს, ნ. ბარათაშვილის, ი. ჭავჭავაძის, მ. შოლოხოვის, ი.ა. კომენსკის, ჟ.ჟ. რუსოს, ზ. ფროიდის მემკვიდრეობის საკითხებს. გამოქვეყნებული აქვს კრიტიკული ეტიუდების სერია.
წყარო: ქართული საბჭოთა ენციკლოპედია: ტ.11.-თბ., 1987.-გვ.563
ორგანიზაციის, ასოციაციის ან ჯგუფის წევრი
- რსფსრ პედაგოგიურ მეცნიერებათა აკადემია, აკადემიკოსი (1959-1989)
- საქართველოს მეცნიერებათა აკადემია, აკადემიკოსი (1960-1989)
ჯილდოები, პრემიები და პრიზები
- 1987 - საქართველოს სახელმწიფო პრემია
- 1969 - იაკობ გოგებაშვილის სახელობის პრემია
- 1963 - საქართველოს მეცნიერებათა დამსახურებული მოღვაწე
- საპატიო ნიშნის ორდენი
- ოქტომბრის რევოლუციის ორდენი
- ლენინის ორდენი (2 ორდენი)
- შრომის წითელი დროშის ორდენი (3 ორდენი)
ბიბლიოგრაფია
- ესთეტიკა : ხელოვნება და სინამდვილე (ავტორი). - თბილისი, თბილ.უნ-ტის გამ-ბა, 1988. - 694გვ.
- თანამდევი, უკვდავი სული : ილია ჭავჭავაძე (ავტორი). - თბილისი, მეცნიერება, 1987. - 132გვ.
- ფროიდის ფსიქოანალიტიკური ესთეტიკის კრიტიკისათვის (ავტორი). - თბილისი, ხელოვნება, 1985. - 277გვ.
- პედაგოგიკა და მეთოდიკა : წერილები. მემორიალები (ავტორი). - თბილისი, განათლება, 1974. - 395გვ.
- ბარათაშვილის პოეტური გენია : მონოგრაფია (ავტორი). - თბილისი, საბჭ. საქართველო, 1968. - 487გვ.
- რუსთაველის ესთეტიკური სამყარო (ავტორი). - თბილისი, განათლება, 1966. - 378გვ.
- კრიტიკული ეტიუდები (ავტორი). - თბილისი, სახელგამი, 1945. - 202გვ.
- ეროვნული ბიბლიოთეკა
