სულ ვიზიტორი : 52186515
განთავსებული სტატია : 6836

მთავარი იუბილარი/ ხსენება

აფხაზეთი სამაჩბლო 1990წ-დან მებრძოლები ვეტერანები
აფხაზეთის ომი
ელისო მირცხულავა გარდ. 1993წ. აფხაზეთში დ. სოფ. ფშავი გულრიფში აფხაზეთში

281       ბეჭდვა

ელისო მირცხულავა გარდ. 1993წ. აფხაზეთში დ. სოფ. ფშავი გულრიფში აფხაზეთში

„ ჭიდილი მხეცებთან “ ნუგზარ ქებურია 

აფხაზეთის ომის გმირები, და- ძმა ელისო და თამაზ მირცხულავები... 

            გოჩა ნაჭყებია გაშტერებით უმზერდა გზის მარჯვენა მხარეს, სადაც მოულოდნელად თვალი მოჰკრა თავის ეშერელ მეგობარს, თამაზ მირცხულავას, რომელიც თეთრი არწივის შემადგენლობაში გაგრის ბრძოლებში მონაწილეობდა, თანამებრძოლებს დაჭრილი გამოყავდათ, მკერდში ჰქონდა ტყვია მოხვედრილი...

- არა! არა! ეს შეუძლებელია! - გოჩა გულწრფელად შეწუხდა, როცა დაჭრილი მეგობარი ბიჭი ასეთ მდგომარეობაში ნახა.

უცებ ეშერელი ბიჭის გაფითრებული სახე გადმოიხარა მისკენ, აკანკალებული, სისხლიანი თითები მის სამხედრო ქურთუკზე შეეხო.

- გოჩა!..

- ჰო, მე ვარ!.. ნუ გეშინია თამაზ ეხლა უკვე სამშვიდობოს ხარ, ბიჭები გაგიყვანენ და ყველაფერი კარგად იქნება. - უთხრა გოჩამ, თან გაშტერებით აკვირდებოდა მეგობრის სახის ნაკვთებს. - სულ ერთ მილიმეტრზე მარცხნივ და, მორჩა პირდაპირ გულში გაგიჯენდა შეჩვენებული!

- მართლა?.. მე კი მეგონა შემთხვევით მომხვდა... - და სოხუმელ მეგობარს მიაპყრო ჩალურჯებული თვალები, რომელიც სიმწრისგან ავტომატს ატრიალებდა ხელში.. - ომმა შეცდომების პატიება არ იცის, ბრატ! მეომარს ასი თვალი და ასი ყური უნდა ჰქონდეს, ჩემო გოჩა, მაგრამ, როცა დაჭრილი თანამებრძოლი გამოგყავს ბრძოლის ველიდან... მერაბი სად წაიყვანეს? - წამოიძახა უეცრად, როდესაც სასწრაფო დახმარების მანქანამ უხმაუროდ ჩაიქროლა მის თვალწინ.

- სასწრაფო დახმარების მანქანაშია, ნუ გეშინია, კარგად არის. - უთხრეს თანამებრძოლებმა. გოჩამ მისი ხელი აიღო, შემდეგ დაცხრილულ მკერდზე დახედა და მის უკან მდგარ ახალგაზრდა მებრძოლს გახედა. - რომელ მერაბზე ამბობს?

- თქვენი ბატალიონიდან, მაჭარკელი ოცმეთაური, პაატა ვეკუას ასეულიდან, მერაბ ჯიქია დაჭრეს... ამან გამოყვანა სცადა, მაგრამ სნაიპერმა...

დაჭრილი ბიჭი მძიმედ სუნთქავდა. რამოდენიმე ხნის შემდეგ მან წყნარად წაიჩურჩულა: - მერაბი წაიყვანეს?

- კი, თამაზ.

იგი ერთ ხანს ჩუმად იყო, შემდეგ ისევ იკითხა, თითქოს რაღაცის გამორკვევა სურსო.

- ხომ კარგად არის?

- ჰო თამაზ, კარგად არის. - თანამებრძოლებს დაასწრო გოჩამ. - მერაბი ჯიქია ჩემი ბავშვობის მეგობარია, სოხუმის ბავშვთა და მოზარდ სპორტულ სკოლაში სავარჯიშოდ დავდიოდით ერთად. ყველაფერი კარგად იქნება ბიჭო, ნუ გეშინია.

- არა, არ მეშინია გოჩა... - ძლივს წაიჩურჩულა დაჭრილმა ბიჭმა, თამაზ მირცხულავამ. - უბრალოდ მცივა, მაგრად მცივაა... ეს იყო მისი უკანასკნელი სიტყვები...                   

            იგი დაიღუპა 16 მარტს აჩადარაში. მისი დაღუპვის შემდეგ მისმა დამ, ელისო მირცხულავამ აიღო იარაღი ხელში და ბრძოლა განაგრძო რუსი დამყრობლების წინააღმდეგ...

        სექტემბრის ბოლო დღეები იყო... ეშბას ქუჩის მთელ მონაკვეთზე, გუმისთიდან რკინიგზის სადგურამდე,  შენობების სახურავებიდან თუ სარდაფებიდან წინასწარ ჩასაფრებული აფხაზური მხარის სნაიპერთა ტყვიის სეტყვა მოდიოდა, მაგრამ აფხაზებმა და ქართველთა სიძულვილით დაგეშილმა გადამთიელმა ავაზაკებმა ქალაქში შემოსვლა ვერ შეძლეს...

        ლომოური თავის ჯგუფთან ერთად „კინოპრაკატის“ წინ იდგა, როდესაც, მოულოდნელად მისი ყურადღება მიიპყრო გუმისთიდან დევნილმა მოსახლეობის მოზრდილმა ჯგუფმა, რომლებსაც დაჭრილები და ბავშვები მოჰყავდათ.

    - ბატონო კაპიტანო მე თქვენ გიცნობთ! - მიმართა ლომოურს შუახნის ქალმა, რომელსაც ხაკისფერ ამერიკულფორმიან მებრძოლ გოგონასთან ერთად საკაცურით მიჰყავდა დაჭრილი, გვარიანად შეჭაღარავებული მამაკაცი.

 - საიდან?

 - მეცადინეობის დაწყების წინ მაგიდის ქვეშ ჩემს ფეხებთან გმალავდა ერთი სტუდენტი გოგონა.

“დედაჩემის თანაკურსელია, ალბათ,“- გაიფიქრა დათომ და სახეში შეაცქერდა დედამისის ტოლა ქალს.

 - კარგი მეხსიერება გქონიათ, ქალბატონო, ერთი ნახვით ბავშვი ამდენ ხანს დაგხსომებიათ. - ღიმილით უთხრა დათომ.

 - ერთი ნახვით კი არა, ზოგჯერ ყოველდღე მოჰყავდი დედაშენს უნივერსიტეტში, როცა მისი კგბეჩნიკი მეუღლე მივლინებით იყო სადმე წასული.

 - მართლა?

 - ჰო, ჩემო პატარავ. სანამ სკოლის ასაკს მიაღწევდი, სოხუმის უნივერსიტეტის ოთახებში ან უშიშროების კომიტეტის კაბინეტებში იზრდებოდი.

     - ჭაღარა წვერულვაშიანი მამაკაცი საკაცურზე გაუნძრევლად იწვა, სახე გაფითრებოდა და მძიმედ სუნთქავდა. სამხედროფორმიანი გოგონა გვერდით დაუჯდა, ჩუმად შეჰყურებდა დაჭრილს,  თან შეიარაღებულ ბიჭებს დახმარების მოლოდინში სახეში შესცქეროდა, რომლებიც თვალებს მონადირეთაგან დევნილი ნადირივით აქეთ-იქეთ აცეცებდნენ.

      ბიჭებმა, რა თქმა უნდა, იცნეს 16 მარტის გმირის, თამაზ მირცხულავას მებრძოლი და ელისო მირცხულავა.

 - ძალიან ხომ არ გტკივათ? - ჰკითხა გოგონამ დაჭრილ მამაკაცს. 

 - არა, შვილო, ნუ გეშინია, ყველაფერი კარგად იქნება... - დაჭრილმა წამოწევა მოინდომა, მაგრამ ვერ შეძლო, ქალი ზურგიდან დაუჯდა თავის ქმარს, ფრთხილად წამოსწია და მისი თავი მუხლებზე დაიდო.

 - ლომოურმა საშკას და ანდრესს თხოვა დედამისის მეგობარი ქალისთვის დახმარება გაეწიათ, დაჭრილი კაცი სამშვიდობოს გაეყვანათ და თვითონაც წასულიყვნენ ამ სახიფათო ზონიდან. მას არ უნდოდა, რომ ამ ტყვიების წვიმაში უცხო ქვეყნის ბიჭები, გვერდით ჰყოლოდა, მაგრამ არც ერთი და არც მეორე უმისოდ ნაბიჯს არ დგამდა.


 გაბრაზებულმა ლომოურმა ძმადნაფიცებს ზურგი შეაქცია და ვაჟკაცური აღნაგობის  სვანს, გენო კვიციანს, რომელიც გაგრის ბატალიონიდან იყო გასძახა, მოდი აქო, გაგრელი  სვანი მებრძოლი, რომელიც ამ ბოლო დროს დათოს ერთი ნაბიჯითაც არ შორდებოდა, მისკენ სწრაფად გამოემართა, თან საშკა და ანდრესის თვალების საეჭვო პაჭუნს გაკვირვებით აკვირდებოდა... მერე ფრთხილად აიყვანეს დაჭრილი მამაკაცი და გაჭირვებით დაიწყეს უკან დახევა... მაგრამ ეშბას ქუჩა რამდენიმე წუთში ნამდვილ ჯოჯოხეთს დაემსგავსა...

       კინოპრაკათთან ეშბას ქუჩაში მიმავალი შეიარაღებული, საქართველოს ერთიანობისთვის  მებრძოლი გოგონა, ეშერელი ელისო მირცხულავა გმირულად დაიღუპა... ეს მაშინ, როცა გენერლების ნახევარზე მეტი უკვე გაქცეული იყო ბრძოლის ველიდან...

    ელისოსთან ერთად მოკლეს გუდაუთელი მებრძოლი, რომელსაც ბიჭები „ბაბუს“ ეძახდნენ... მათი დახმარება სცადეს მაიაკელმა ბუთხუზ ჩიჩუამ და რობერტ კვარაცხელიამ, რომლებიც ათიოდე ნაბიჯის მოშორებით მიჰყვებოდნენ უკან, მაგრამ ტყვიების წვიმა თავის წამოწევის საშუალებას არ აძლევდათ...

     მოგვიანებით საოცრად გაბედულმა მებრძოლმა, რამაზ ნანავამ რისკის ფასად შეძლო თავისი მამიდაშვილის, ელისო მირცხულავას გამოყვანა ბრძოლის ველიდან და ქვემო-ფშაფში, თავისი ძმის გვერდით დასაფლავება...



ატვირთვა დავით ფეიქრიშვილი 24.02.2021





სამაჩაბლო 2008 გარდაცვლილ მებრძოლთა სია ფოტომასალით რეგიონის, ქალაქის, სოფლის მიხედვით.

1 0


შინაგან საქმეთა სამინისტრო რედ. ირმა ირემაძე

1 0


II საარმიო კორპუსი ირმა ირემაძე

1 0


მე-2 საარმიო კორპუსი 23-ე ბრიგადა პირველი ბატალიონი რედ. ირმა ირემაძე

1 1


მე-2 საარმიო კორპუსი 23-ე ბრიგადა მე-2 ბატალიონი რედ. ირმა ირემაძე

2 0


მე-2 საარმიო კორპუსი 23-ე ბრიგადა მე-3 ბატალიონი რედ. ირმა ირემაძე

1 0


მე-2 საარმიო კორპუსი 23-ე ბრიგადა მე-5 ბატალიონი რედ. ირმა ირემაძე

1 0


მე-2 საარმიო კორპუსი 23-ე ბრიგადა მე-6 ბატალიონი რედ. ირმა ირემაძე

1 0


მე-2 საარმიო კორპუსი 23-ე ბრიგადა მე-7 ბატალიონი რედ. ირმა ირემაძე

1 0


მე-2 საარმიო კორპუსი 23-ე ბრიგადა მე-8 ბატალიონი რედ. ირმა ირემაძე

1 0


მე-2 საარმიო კორპუსი 23-ე ბრიგადა `ცხუმი რედ. ირმა ირემაძე

1 0


მე-2 საარმიო კორპუსის 23-ე მოტომსროლელი ბატალიონი რედ. ირმა ირემაძე

1 0


ბატალიონი "მონადირე" 20 მებრძოლის სია რედ. ირმა ირემაძე *

1 0


სოხუმის მოტომსროლელი ბატალიონი რედ. ირმა ირემაძე *

1 0


გაგრის ბატალიონი აფხ.1992-93წწ რედ. ირმა ირემაძე *

1 0


ლესელიძის ბატალიონი რედ. ირმა ირემაძე

1 0


აფხაზეთის სამხედრო პოლიცია 81 მებრძოლი რედ. ირმა ირემაძე *

1 0


აფხაზეთის ა/რ საინფ.-სადაზვერვო სამსახური რედ. ირმა ირემაძე

1 0


მე-2 საარმიო კორპუსი 24-ე ბრიგადა 250-ე ბატალიონი რედ. ირმა ირემაძე

1 0


მე-2 საარმიო კორპუსი 24-ე ბრიგადა 247-ე ბატალიონი რედ. ირმა ირემაძე

1 0


მე-2 საარმიო კორპუსი 24-ე ბრიგადა 246-ე ბატალიონი რედ. ირმა ირემაძე

1 0


აფხაზეთის ომი


გამოგვიგზავნეთ თქვენი ქალაქის სოფლის გამოჩენილი ადამიანები ავტვირთავთ თქვენი სახელით

1 1


ერეკლე მეფის 300 წლისთავი 7 ნოემბერი 2020 მსვლელობის მონაწილეთა სია თელავი მცხეთა

1 1


ქალიშვილების და ჭაბუკების ხარკად აკრძალვა 1774 წელი ქუჩუკ-კაინარჯის ზავის 23-ე მუხლი

1 0


შეიძლება დაგაინტერესოთ ნიმუში

1 0


საოჯახო წიგნის შექმნის რეკომენდაცია, ელექტრონული ნიმუში

1 0


გურიის რესპუბლიკა, გურიის მხვნელ-მთესველთა რესპუბლიკა 1905-1906 წლები

1 0


ერეკლე მეორე (1720-1798) 300 წელი დაბადებიდან ბრძოლების სია

1 0


ვინ იყვნენ საქართველოს ეკლესიის საჭეთმპყრობელები, რომლებიც მოკლეს. 6 ღვთისმსახური

3 0


თბილისის დაცემა 523-1921 წლები 25 ბრძოლა

1 0


აფხაზეთის ომის ზუსტი ქრონიკა 14 აგვისტო 1992 30 სექტემბერი 1993 წელი

1 0


საეკლესიო ახალი წელი 14(ძვ.სტ 1) სექტემბერია

1 0


დანელიების საგვარეულო ტექნოლოგია - ღვინის თაფლით დამუშავება მარტვილი

1 0


ირაკლი ოთარის ძე გოგოთიძე თუში მხედარი ალვანი მეფე ერეკლეს სიმბ. მხედარი

2 0


1759წელი მონებით ვაჭრობის აკრძალვა სოლომონ I (1735-1784) -ის მიერ

1 0


სიბრძნე გამონათქვამები

1 0


ანეგდოტი 7

1 0

 

საპატრიარქოს 25 მილიონის განკარგვის სია

1 0


რუის-ურბნისის კრების ძეგლწერა(დადგენილებები)

1 0


როლანდ აბულაძე 18 წლის მოიძია 31 მოგვარე სამხედრო პირი 1800-1920-იანი წლებში ცხინვალი სამაჩაბლო

2 0


კინდღის ბრძოლა ზურაბ მახარაძე – 01/06/1993 გადარჩენილი არტილერისტი ლალი ცერაძე სგან

1 0