1993 წლის 13 მარტს რუსული სამხედრო თვითმფრინავებიდან, ქ.სოხუმის მიდამოებში ჩამოყრილი იქნა 500 კილოგრამიანი საავიაციო ბომბები, რომელთა უმრავლესობა არ აფეთქდა.

მეორე დღეს ვიცე–პოლკოვნიკ ანდრო მაღლაკელიძის მეთაურობით, ერთ–ერთი ასეთი აუფეთქებელი ბომბის გასანაღმავად, მესანგრეთა რვა კაციანი ჯგუფი სოფელ აჩადარას პოზიციაზე გავიდა. ბომბი ჯანჯღავების ოჯახის ეზოში იყო ჩამოგდებული. მესანგრეთა ჯგუფს ჟურნალისტებიც ახლდნენ. განაღმვის დროს ბომბი აფეთქდა და ახლო რადიუსში მყოფი ყველა ადამიანი იმსხვერპლა. 

დაიღუპა 7 მესანგრე (გიული თაკალანძე, რამაზ ბესელია, ავთანდილ კოპალიანი, რუსლან ცხადაია, ნოდარ ოსაძე, აკაკი მიმინოშვილი, ვიცე-პოლკოვნიკი  ანდრო მაღლაკელიძე), 4 ჟურნალისტი (საქართველოს  პრესცენტრის და დოკუმენტური ფილმების სტუდია „მემატიანეს“ თანამშრომლები – გიორგი პოპიაშვილი, ალექსანდრე კარაპეტიანი, ჯუმბერ ეზუგბაია, გულიკო გოდოლაძე)  და ერთი ადგილობრივი მაცხოვრებელი (???). 

მესანგრეთა ჯგუფიდან მხოლოდ დიტო ტალახაძე გადარჩა, რომელიც ვიცე პოლკოვნიკის ბრძანებით  მეზობელ სახლში ფიცრის მოსატანად იყო წასული.

14 მარტი მესანგრეების ხსენების დღეა!!!

გულიკო გოდოლაძე, რამაზ ბესელია

აკაკი მიმინოშვილი, გიული თაკალანძე

წყარო ლაშა სირანაშვილი

რამაზ ბესელია
1993 წლის 14 მარტს მესანგრეთა ნაწილში საგანგაშო ცნობა მიიღეს – წინა ღამით, რუსეთის ავიაციის მიერ სოფელ გუმისთაში ჩამოგდებულ ბომბთაგან ერთ-ერთი არ აფეთქებულა, მორიგი უბედურების თავიდან ასაცილებლად და ბომბის გასაუვნებელყოფად შემთხვევის ადგილზე გაემართა მესანგრეთა დიდი ჯგუფი. მათთან ერთად გამგზავრების სურვილი გამოთქვენს ჟურნალისტებმაც. ადგილზე ნანახმა საოცერებამ და სანახაობამ ყველანი გააოგნა. ძნელი იყო სიტყვებით გადმოცემა იმ ნგრევისა და უბედურებისა, რაც იმ ღამს თავს დასტყოდომოდა სოფელს. მომხდარის საილუსტრაციოდ ფირზე უნდა აღებეჭდათ ყოველივე.
თითქოს თავის მორიგ მსხვერპლს ელოდა ურჩხული, როგორც კი 12 ადამიანი – რვა გვარდიელი და 4 კორესპონდენტი თავს წაადგა ორმოს, სადაც ბომბი ჯერ კიდევ უვნებლად იდო… კიდევ ერთხელ შეძრა მიდამო გამაყრუებელმა აფეთქებამ და მას მოყოლილმა უბედურებამ – 12 სიცოცხლე თვალისდახამხამებაში გაიფანტა ჰაერში. საქართველომ დაკარგა კიდევ რამდენიმე მამულზე შეყვარებული შვილი – საქართველოს რეიარაღებული ძალების გვარდიელები: გიული თაკალანძე, რამაზ ბესელია, ავთანდილ კოპალიანი, რუსლან ცხაკაია, ნოდარ ოსაძე, აკაკი მიმინოშვილი, ციცეპოლკოვნიკი ანდრო მაღლაკელიძე, საქართველოს თავდაცვის სამინიტროს პრესცენტრის თანამშრომლები გიორგი პოპიაშვილი და ალექსანდრე კარაპეტიანი, დოკუმენტური ფილმების სტუდია ,,მემატიანეს~ თანამშრომლები ჯუმბერ ეზუგბაია და გულიკო გოდოლაძე.
24 მარტს საქართველოს მიწამ მიიბარა 12-ვე დაღუპული. ამ დღეს სოხუმის მოსწავლეთა პარკში თავი მოიყარა ქალაქის საზოგადოებამ, დაღუპულთა მშობლებმა, ახლობლებმა, თანამებრძოლებმა. დღის სამ საათზე მესანგრეთა ნაწილიდან გადმოასვენეს ურნა, შეკრებილებმა მუხლი მოიყანეს მის წინაშე. ცხუმ-აფხაზეთის საპატრაირქოს წარმომადგენლებმა გადაიხადეს პანაშვიდი.
ურნა ფრთხილად ეშვება საძმო საფლავში. ქართულ მიწას და ყვავილებს აყრიან მარადიოსობაში მიმავალთ, გვარდიელებმა კი სამხედრო პატივის ნიშნად ერთდროული ავტომატების ჯერით დაადასტურეს მათი უკვდავყოფა. სანთლების კოცონი დიდხანს ანათებდა ამ წმინდა ადგილს.
- ნათელი იყოს თქვენი გზა მარადისობაში! – ამბობენ შავმანდილიანი დედები და ჩვენც ხმას ვუერთებთ: – ნათელი იყოს თქვენი მარადისობაში ყოფნა

წყარო მარინა ნაჭყებია