ბატალიონი `მონადირე, სრული სია. წიგნიდან "საქართველო"
ომარ ილიას ძე არღვლიანი საქართველოს რესპუბლიკის შეიარაღებული ძალების სამხედრო ჯარების ცალკეული მოტომსროლელი ბატალიონის „მონადირეს“ მაიორი იყო. 1992 წლის 14 აგვისტოდან იბრძოდა საქართველოს შეიარაღებული ძალების რიგებში, სხვადასხვა სამხედრო დანაყოფებში. მონაწილეობდა თითქმის ყველა საბრძოლო ოპერაციაში, გუმისთიდან ოჩამჩირის რაიონამდე. არ ერიდებოდა სირთულეებს და გული ყოველთვის ცხელი წერტილებისკენ მიუწევდა. ექვსჯერ დაიჭრა. გამოჯანმრთელების შემდეგ ისევ პოზიციებს უბრუნდებოდა.
1994 წლის 24 მარტს ომარ არღვლიანი გმირულად დაიღუპა დალის ხეობაში, სოფელ ლათას შემოსასვლელში.
ომარ არღვლიანი დაკრძალულია მესტიის რაიონის სოფელ ცხუმარში.
საქართველოს პრეზიდენტის განკარგულებით, სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თავგანწირვისათვის ომარ არღვლიანი სიკვდილის შემდეგ დაჯილდოებულია ვახტანგ გორგასლის II ხარისხის და „ღირსების“ ორდენებით.
ტექსტის აკრიფა თამარ გოგნაძემ სოფ. ღვანკითი თერჯოლა
