მე-2 საარმიო კორპუსი 24-ე ბრიგადა 243-ე ბატალიონი წიგნიდან "საქართველოსთვის"
გენადი იაშას ძე გიორბელიძე დაიბადა 1975 წლის 14 აგვისტოს ოჩამჩირის რაიონის სოფელ არადუში. დაამთავრა არადუს საშუალო სკოლა.
აფხაზეთში საომარი მოქმედებების დაწყებისთანავე ჩაერთო ომში. 1992 წლიდან ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 24-ე მექანიზირებული ბრიგადის 243-ე ბატალიონში მსროლელად. მონაწილეობდა სამხედრო მოქმედებებში სოფელ არადუს დაცვისას.
1993 წლის 16 სექტემბერს საბრძოლო დავალების შესრულების დროს გმირულად დაიღუპა სოფელ არადუში.
გენადი გიორბელიძე დაკრძალულია მშობლიურ სოფელ არადუში.
