მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
მალხაზ იროდის ძე თოფურია დაიბადა 1971 წლის 7 ივლისს ქალაქ სოხუმში. კეთილი,დინჯი, მოსიყვარულე მალხაზი ირგვლივ ყველას აბედნიერებდა... სითბოსა და სიყვარულს აფრქვევდა... როცა ქვეყანას გაუჭირდა გვერდზე გადადო გეგმები და ოცნებები და ხელში იარაღი აიღო... სხვას არაფერს ართმევდა, თავისას იცავდა, იმ მიწას, რომელმაც შობა,სადაც ფეხი აიდგა,სადაც სიცოცხლე უხაროდა...
მალხაზი 1992 წლის 1 ნოემბერს ჩაირიცხა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-6 სატანკო ბატალიონის მე-3 ასეულში.
აფხაზეთში მიმდინარე საომარი მოქმედებების დროს მალხაზ თოფურიამ თავი გამოიჩინა , როგორც საქართველოს დამოუკიდებლობისთვის თავდადებულმა მებრძოლმა. პირნათლად ასრულებდა მეთაურის მიერ გაცემულ ბრძანებებს. თანამებრძოლებს შორის კარგი ავტორიტეტით სარგებლობდა.
მალხაზ თოფურია 1993 წლის 28 სექტემბერს ქალაქ სოხუმში მდინარე კელასურთან შეტაკების დროს მძიმედ დაიჭრა. სამწუხაროდ, მისი გამოყვანა ვერ მოხერხდა და უგზო-უკვლოდ დაიკარგა.