მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
ცისკარა ვალერიანის ძე თოფურია დაიბადა 1973 წლის 1 სექტემბერს სოხუმის რაიონის სოფელ კელასურში. 1990 წელს დაამთავრა სოხუმის მე-19 საშუალო სკოლა.
აფხაზეთში დაწყებულმა საომარმა მოქმედებებმა ძირფესვიანად შეცვალა ცისკარა თოფურიას გეგმები. 19 წლის ვაჟკაცი მეგობრებთან ერთად სამშობლოს დამცველთა რიგებს შეუერთდა.ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-6 ცალკეული სატანკო ბატალიონის სარემონტო ოცეულში ზეინკლის თანამდებობაზე. ცისკარა პირნათლად ასრულებდა საბრძოლო დავალებებს და მეთაურის ბრძანებებს.
1993 წლის 29 სექტემბერს ცისკარა თოფურია თანამებრძოლებთან ერთად მდინარე კელასურის ხიდთან შეეჯახა მტრის სადაზვერვო ჯგუფს. გააფთრებული ორთაბრძოლების დროს ცისკარა მძიმედ დაიჭრა. ჭრილობა სასიკვდილო აღმოჩნდა.