მე-2 საარმიო კორპუსი 23-ე ბრიგადა მე-6 ბატალიონი წიგნიდან "საქართველოსთვის"
ლადო ანდროს ძე ფირცხელიანი დაიბადა 1967 წლის 28 დეკემბერს მესტიის რაიონის სოფელ ლატალაში.
ქალაქ თბილისის კომაროვის სახელობის ფიზიკა-მათემატიკის სკოლის დამთავრების შემდეგ ჩაირიცხა თბილისის პოლიტექნიკურ უნივერსიტეტში, რომელიც 1990 წელს წარმატებით დაასრულა, რის შემდეგაც სწავლობდა -მენეჯერთა უმაღლეს სკოლაში. ფლობდა ინგლისურ და რუსულ ენებს.სამშობლოზე მგზნებარედ შეყვარებული ჭაბუკის გეგმები აფხაზეთში დაწყებულმა საომარმა მოქმედებებმა ძირფესივიანად შეცვალა. იგი მეგობრებთან ერთად დადგა სამშობლოს დამცველთა რიგებში. 1992 წლის ნოემბრიდან ლადო ფირცხელიანი ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე ბრიგადის მე-6 სატანკო ბატალიონის მე-2 ასეულში რიგით მებრძოლად. ლადო პირნათლად ასრულებდა მასზე დაკისრებულ მოვალეობას,მედგარ წინააღმდეგობას უწევდა მომხვდურ მტერს თანამებრძოლებთან ერთად.
1993 წლის 5 თებერვალს ბატალიონის საბრძოლო პოზიციაზე მდინარე გუმისთის პირას,სოფელ ქვემო-ეშერასთან , პოზიციური ბრძოლის დროს ლადო ფირცხელიანი სასიკვდილოდ დაიჭრა მოწინააღმდეგის მიერ გამოსროლილი ტყვიით.
