ტრისტან ნიკოლოზის ძე ჯიოშვილი დაიბადა 1952 წლის 15 ივნისს ცხინვალის რაიონის სოფელ ქურთაში,
გლეხის ოჯახში. რვაწლიანი სკოლის დამთავრების შემდეგ 1964 წელს სწავლა განაგრძო ილია წინამძღვრიშვილის სახელობის სოფლის მეურნეობის ტექნიკუმში მეფუტკრეობის სპეციალობით. 1970 წელს დაამთავრა ტექნიკუმი. მუშაობა განაგრძო ერეღვის მეფუტკრეობის მეურნეობაში უფროს ინსტრუქტორად. 1971 წლიდან 1979 წლამდე მსახურობდა ფსკოვის დესანტის დივიზიაში, 1974 წლიდან 1977 წლამდე – შინაგან საქმეთა. ორგანოში.
1977 წლის აგვისტოდან 1988 წლამდე იყო საბჭოთა კავშირის სამხედრო ოფიცერი. 1989 წლის იანვრიდან ჰქონდა სოფლის მეურნეობის კოოპერატივი „თაფლი“, ხოლო 1992 წლის I მარტიდან მსახურობდა საქართველოს რესპუბლიკის თავდაცვის სამინისტროს სწრაფი რეაგირების კორპუსის (გვარღია) „შავი ავაზას“ ბატალიონში, ბატალიონის უფროსის მოადგილის თანამდებობაზე, იბრძოდა სამაჩაბლოში ოსი ექსტრემისტების წინააღმდეგ, იცავდა ქართულ მიწას.
1992 წლის 14 აგვისტოს ბატალიონი „შავი ავაზა“ გამოძახების შემდეგ გაემგზავრა აფხაზეთში. დაიღუპა 1992 წლის 26 აგვისტოს სამსახურეობრივი მოვალეობის შესრულების დროს. დარჩა მეუღლე და ოთხი შვილი.