დაიბადა 1957 წლის 9 მაისს ქალაქ ქუთაისში. 1974 წელს დაამთავრა ქუთაისის 33-ე საშუალო სკოლა. ერთი წლის შემდეგ გაიწვიეს სავალდებულო.
სამხედრო სამსახურში. 1977 წელს, ჯარიდან ჩამოსვლისთანავე მუშაობა დაიწყო ქუთაისის პოლიტექნიკურ ინსტიტუტში მძღოლად, სადაც ორი წელი დაჰყო. 1979 წლიდან მუშაობა განაგრძო ქუთაისის ელექტრომექანიკურ ქარხანაში, სადაც 1982 წლამდე იმუშავა.
1983 წლიდან მეუღლესა და ორ შვილთან ერთად საცხოვრებლად გადავიდა. ქალაქ ალექსანდრიაში, სადაც ექსპედიტორად მუშაობდა ხორცკომბინატში. გაიგო თუ არა, რომ საქართველოს დიდი საფრთხე ემუქრებოდა, უყოყმანოდ ჩადგა მისი ტერიტორიული მთლიანობის დამცველთა რიგებში. იბრძოდა გაგრაში, სადაც დაიჭრა, მაგრამ არ შემდრკალა. შემდეგ ბრძოლა განაგრძო ოჩამჩირეში, სადაც დაიღუპა 1992 წლის 12 ნოემბერს.
თეიმურაზ ხეცურიანი, ცხოვრებაში უკვე ბევრისმნახველი, მრავალჭირგადანახადი ვაჟკაცი, პირადი მაგალითით უჩვენებდა ყველას, ვინც კი მას იცნობდა, როგორ უნდა იშრომოს ღირსეულმა მამულიშვილმა და მოქალაქემ მშვიდობიანობისას და როგორ უნდა იბრძოლოს მან ცეცხლის ხაზზე, როცა მის სამშობლოს უჭირს.
მადლიერი სამშობლო ამას არასოდეს დაუვიწყებს თავის სასახელო შვილს.