მე-2 საარმიო კორპუსი 23-ე ბრიგადა მე-5 ბატალიონი წიგნიდან "საქართველოსთვის"
ემზარ ანზორის ძე ხაინდრავა დაიბადა 1965 წლის 7 სექტემბერს ოჩამჩირის რაიონის სოფელ ახალდაბაში. დაამთავრა მშობლიური სოფლის საშუალო სკოლა,შემდეგ ტექნიკური უნივერსიტეტი,ინჟინრის პროფესიით.
აფხაზეთში მიმდინარე საომარი მოქმედებების დროს ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე ბრიგადის მე-5 ბატალიონის მე-2 ასეულის პირად შემადგენლობაში. აქტიურად მონაწილეობდა ბატალიონის მიერ განხორციელებულ არაერთ საბრძოლო ოპერაციაში. ახალგაზრდა მეომარი თავდაუზოგავად იბრძოდა სამშობლოს დასაცავად.ემზარმა ბოლომდე უერთგულა ქვეყანას. დაიღუპა 1993 წლის 22 სექტემბერს, უთანასწორო ბრძოლის დროს.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავგანწირვისათვის ემზარ ხაინდრავა,სიკვდილის შემდეგ ,დაჯილდოვდა ვახტანგ გორგასლის I ხარისხის ორდენით.