ფონდი მოლოდინი 1990-იანი წლებიდან, უგზო-უკვლოდ დაკარგულ პირთა მოძიება
ივანე (თამაზ) გიგუაშვილი
ღმერთო, ისმინე ჩემი ვედრება და დამიბრუნე ჩემი მამიკო“ ეს სიტყვები ივანე გიგუაშვილის პატარა ქალიშვილის გულიდანა ამოხეთქილი, მან ხომ სიც არ იცის, ცოცხალია მისი მამა, თუ არა. თუმცა იმედი არ ტოვებს მას და ისიც, დაუ- ღლელად, ყოველდღე ელის თითქმის უცნობი მამის დაბრუნებას.
ივანე გიგუაშვილი დაიბადა 1963 წლის 4 აპრილს, ხაშურის რაიონის სოფ. ალში. დაამთავრა ალის საშ. სკოლა, შემდეგ სწავლა განაგრძო თბილისში, სავაჭრო ტექნიკუმში.
ტექნიკუმის დამთავრების შემდეგ გაიწვიეს საბჭოთა არმიის რიგებში, მსახურობდა გერმანიაში, უფროსი ლეიტენანტის წოდებით.
არმიიდან დაბრუნებულმა ივანემ 1992 წ. დასაწყისში, მუშაობა დაიწყო თბილისის 21-ე სატანკო ნაწილში. ამავე წლის აგვისტოში, აფხაზეთში საომარი მოქმედებების დაწყების პირველი დღიდანვე, ჩადგა სამშობლოს დამცველთა რიგებში.
კონფლიქტის მიმდინარეობის მანძილზე აქტიურად მონაწილეობდა საბრძოლო მოქმედებებში. 1993 წლის 27 სექტემბერს, ომის ბოლო დლეს, როდესაც ქართულ საჯარისო შენაერთებს თითქმის დატოვებული ჰქონდა აფხაზეთის ტერიტორია, აფხაზმა სეპარატისტებმა ტყვედ აიყვანეს აფხაზეთის ავტონომიური რესპუბლიკის მინისტრთა საბჭოს თავმჯდომარე, აფხაზეთის თავდაცვის საბჭოს თავმჯდომარე, გენერალ-მაიორი ჟიული შარტავა, მასთან ერთად მისი დაცვის რამდენიმე წევრიც.
როდესაც ყველა გადარჩენაზე ფიქრობდა, ივანე გიგუაშვილი და მისი თანამებრძოლნი, შებრუნდნენ რათა ტყვედ ჩავარდნილებს დახმარებოდნენ. ისინი შეეცადნენ ორი ტანკით გაერლვიათ მოწინააღმდეგის რკალი და დაეხსნათ დატყვევებულნი. ბრძოლისას ერთი ტანკი აფეთქდა და შიგ მყოფი მებრძოლები დაიღუპნენ, მეორე ტანკი კი, რომელშიც ივანე იმყოფებოდა, ბრძოლას განაგრძობდა, მტერმა ალყაში მოაქცია ჩვენი მებრძოლები, ამის შემდეგ მათ შესახებ არაფერია ცნობილი და ისინი უგზო-უკვლოდ დაკარგულებად ითვლებიან. ბრძოლა მიმდინარეობდა სოფ. ახალდაბასთან მას შემდეგ ოჯახი იმედს არ კარგავს, რომ ივანე ჯანმრთელი და სიცოცხლით სავსე დაუბრუნდება თავის კერას.
ითანამშრომლა და ინფორმაცია მოგვაწოდა მიხეილ ნუგზაქრის ძე ბარბაქაძე დაბ. 1967წ. ვეტერანი წარმ. ხაშური
