დაიბადა თბილისში, 1963 წლის 25 ნოემბერს,
ღარიბი კაცის ოჯახში,დედამისი შუშანა გოგიჩაიშვილი კარდანახის უპატრონო ბავშვთა სახლში გაიზარდა, თან ის ქმარმა მიატოვა და ერთადერთი შვილი სიმწრით გაზარდა.
ზურა ნაძალადევში მე-12 საშუალო სკოლაში სწავლობდა, სკოლის დამთავრების შემდეგ მუშაობა დაიწყო არასაუწყებო სკოლაში, 1982 წელს სავალდებულო სამხედრო სამსახურში გაიწვიეს. 1984 წელს მუშაობას იწყებს მილიციაში. 1986 წელს ჩაირიცხა საქართველოს შინაგან საქმეთა სამინისტროს მილიციის უმაღლესი სკოლაში, რომელიც დაამთავრა 1990 წელს და იმავე წელს მუშაობა დაიწყო თბილისის ისნის რაიონის შინაგან საქმეთა განყოფილებაში უბნის ინსპექტორად, სწავლაში აკადემიური წარმატებებისათვის, სიმამაცისა და ოპერატიულობისთვის ბევრჯერ იყო წახალისებული.
მილიციის ლეიტენანტი ზურაბ გოგიჩაიშვილი გმირულად დაიღუპა ცხინვალში 1991 წლის 11 იანვარს მამულიშვილური, სამსახურებრივი მოვალეობის შესრულების დროს. არადა, კიდევ რამდენ სიკეთეს დათესდა ეს შესანიშნავი ვაჟკაცი!