ნოდარ (ვეფხო) გურამის ძე მათიაშვილი, დაბადებული 1959 წლის 28 ივლისს დაბა წყნეთში,

ეროვნებით ქართველი, განათლება – ტექნიკური, ცოლ–შვილიანი.

1966-76 წ. დაამთავრა თბილისის 137-ე საშუალო სკოლა, შემდეგ გაიწვიეს სამხედრო სავალდებულო სამსახურში, მსახურობდა ჩეხოსლოვა, კიაში, იყო მსროლელი,

1981 წელს სწავლა გააგრძელა თბილისის # 54 პროფტექნიკურ სასწავლებელში ავტოშემკეთებელ-ზეინკლის პროფესიით.

1989 წლიდან მუშაობდა თბილისის საფეიქრო ნედლეულის დამუშავებისა და გადამამუშავებელ ფაბრიკაში ინჟინრის თანამდებობაზე.

1992 წლიდან შევიდა 114-ე ბატალიონ „ავაზაში“, ზემდეგის წოდებით,

7 დეკემბრიდან წავიდა აფხაზეთში საქართველოს მიწის დასაცავად. 1993 წლის 1 მარტს სოფელ ლაბრასთან ერთ-ერთი მძიმე საბრძოლო შეტაკების დროს, ვაჟკაცურად იბრძოდა, თავის თანამებრძოლების გადარჩენის მომენტში ტყვედ აიყვანეს აფხაზმა სეპარატისტებმა და საშინლად აწამეს. მთელ სხეულზნე ნაჩხვლეტები ჰქონდა, კანი – ამომწვარი, მხრები – ჩამტვრეული, მარჯვენა თვალი –ამოთხრილი, ყელი – გამოჭრილი, ავტომატის 80 ტყვია მოხვედრილი. თანამებრძოლების თქმით, აფხაზებს მისი თავი 5 მილიონად ჰქონდათ შეფასებული რადგან კარგი მსროლელი იყო.

დაკრძალულია წყნეთის სასაფლაოზე. 

გაიზრდებიან პატარა მაია და გოგა და იამაყებენ, რომ მათი. გმირი მამა სამშობლოს კეთილდღეობისთვის დაიღუპა. 

ნოდარ მათიაშვილი სიკვდილის შემდეგ დაჯილდოვდა მედლით „მხედრული მამაცობისათვის“.