ჯემალ ძინძიბაძე ვახტანგის ძე 1960- 10 იანვარი 1993წწ გარდ. საჩხერე დაბ. ჭიათურა უფროსი ლეინტენატი
ჯემალ ძინძიბაძე დაიბადა 1960 წლის 25 ივნისს სოფელ გუნდაეთში. პირველ დაწყებითი განათლება მიიღო გუნდაეთის სამწლიან სკოლაში, შემდეგ სწავლა გააგრძელა სოფ. მერევის საშუალო სკოლაში, რომელიც წარჩინებით დაამთავრა 1977 წელს,ბავშვობიდანვე ოცნებობდა, ინჟინერი გამხდარიყო, მისაღებ გამოცდებს აბარებდა ქუთაისის პოლიტექნიკურ ინსტიტუტში, მაგრამ პირველ ცდაზე არ გაუმართლა. დაიწყო ფიზიკურად მუშაობა მაღაროზე. 1979 წელს ოცნება აუსრულდა,გახდა სტუდენტი, შემდეგ საბჭოთა არმიაში გაიწვიეს, 1982 წელს დაბრუნდა არმიიდან და სწავლა გააგრძელა ქუთაისის პოლიტექნიკური ინსტიტუტის მძიმე მრეწველობის ფაკულტეტზე, სპეციალობით „კვების მრეწველობის მანქანები და აპარატები“ (საღამოს დასწრებული). სწავლის პარალელურად მუშაობდა ქუთაისის საკონდიტრო ფაბრიკაში. 1988 წელს დაამთავრა ინსტიტუტი და მიიღო ინჟინრის პროფესია. დაბრუნდა მშობლიურ ქალაქ ჭიათურაში და მუშაობა დაიწყო რძის ქარხანაში უფროს მექანიკოსად. 1990 წლის 29 აპრილს მომხდარი მიწისძვრის შემდეგ მოჰყვა საშტატო შემცირებაში. 1991 წლის შემოდგომაზე შედის ჭიათურის გვარდიაში. აღნიშნული გვარდიის რეორგანიზაციის და დაშლის შემდეგ, გადადის საჩხერის გვარდიაში, უფროს ოფიცრად. იბრძოდა აფხაზეთში.
დაიღუპა 1993 წლის 10 იანვარს მორიგი საბრძოლო ოპერაციის შესრულების დროს. დასაფლავებულია სოფ. გუნდაეთის წმინდა გიორგის ეკლესიაზე. დარჩა მშობლები, ორი და, ძმა და რძალი.
