გოჩა გოგიშვილი დაიბადა ქ. თბილისში 1963 წლის 7 აპრილს.
დაამთავრა 148-ე საშუალო სკოლა. შემდეგ სავალდებულო სამხედრო სამსახური გაიარა ნახჭევანის ავტონომიური ოლქის სამხედრო ნაწილის არტილერიის პოლკში. იყო არტილერისტი, სერჟანტის წოდებით.
სამსახურის მოხდის შემდეგ მუშაობდა მაუდის კომბინატში მუშად.
აფხაზეთში ომის დაწყების დროს ჩაირიცხა ეროვნული გვარდიის ქუთაისის ბატალიონში, მეთაურის თანაშემწედ არტილერიაში. ვაჟკაცურად იბრძოდა ყველგან, სადაც მისი ბატალიონის პოზიციები იყო.
1993 წლის 8 მარტს გოჩა გოგიშვილი ოჩამჩირის რაიონში ერთ-ერთი საბრძოლო დავალების შესრულებისას გმირულად დაეცა ბრძოლის ველზე.