ალექსანდრე დათებაშვილი დაიბადა 1969 წლის 22 თებერვალს ქ. ქუთაისში. აქვე დაამთავრა მე-15 საშუალო სკოლა. სწავლის პერიოდში გამოირჩეოდა ნიჭიერებით, დისციპლინითა და პატიოსნებით. იყო პირველთანრიგოსანი წყალბურთელი, თამაშობდა

ქალაქის ნაკრებში. ზემდეგის ჩინით დაბრუნდა სავალდებულო სამხედრო სამსახურიდან. მუშაობდა ქუთაისში შინაგან საქმეთა სამმართველოში. იყო სპეცდანიშნულების რაზმის „ომონის“ წევრი. ყოველთვის გამოირჩეოდა თავისი კაცურ-კაცობით. უსაზღვროდ შეყვარებულს თავის პროფესიასა და სამშობლოზე პირადული ყოველთვის მეორე რიგში გადაჰქონდა. უცოლო იყო, როცა აფხაზეთის კონფლიქტი დაიწყო, ასე ამბობდა: ჯერ ქვეყანას უჭირს და დაოჯახებას შემდეგაც მოვასწრებო. დედისერთას ვერც ვერავინ დააძალებდა ფრონტის ხაზზე წასვლას, მაგრამ თვითონ მოინდომა. ოცნებობდა, შსს-ს აკადემიაში ჩაებარებინა გამოცდები და პროფესიონალი გამხდარიყო. აისრულა კიდეც ოცნება,მაგრამ სწორედ ამ დროს მოუსწრო ტრაგედიამ... ვაჟკაცურად იბრძოდა, სამხედრო სატანკო ნაწილში იყო და ტანკზე შეყვარებული ტანკმავე შეიწირა 1992 წლის 2 ოქტომბერს. სხვისთვის თავგანწირულმა, სხვისმა მაშველმა, საკუთარი სიცოცხლე მიიტანა სამსხვერპლოზე. მხედრულ ტრადიციებზე იყო აღზრდილი,მისი ბაბუა და ბიძა დიდ სამამულო ომში დაიღუპნენ. ალეკოს ხანდაზმული მშობლები დარჩა.

მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი