ჯალაღონია თომა (თოლია) დაიბადა თბილისში სამგორის რაიონში

ღიმილის ბიჭი იყო 20 წლის თოლიკა, ლამაზი ცხოვრებით იცხოვრა და საქართველოს კეთღილდღეობისათვის ბრძოლის ველზე დაეცა გმირულად. 

ის არის უკვდავი, რადგან წმინდა საქმეს შეეწირა და მისი სახელი არასოდეს გაქრება ახლობლებისა და მეგობრების გულიდან. 

მისი შემართება საქართველოს რესპუბლიკის მთავრობამ ვახტანგ გორგასლის 111 ხარისხის ორდენით შეაფასა. 

თავს ვხრით სამშობლოსათვის თავდადებული ვაჟკაცის წინაშე 

უფალმა გაანათოს საქართველოს თავდადებული ვაჟკაცთა სულები.

წყარო მარინა ნაჭყებია

«თომა ჯალაღონია… თოლიკა, როგორც ვეძახოდით მეზობლები, მეგობრები, ახლობლები. თსუ ეკონომიკური ფაკულტეტის მეორე კურსის სტუდენტი. 28 სექტემბერს გმირულად დაიღუპა სოხუმში.

ჯარში 1993 წლის აპრილში გაიწვიეს. სამხედრო ვალდებულებას საქართველოს სასაზღვრო ჯარებში იხდიდა. სექტემბრის დასაწყისში შეუძლოდ შეიქმნა,  გამოსაკვლევად სამხედრო ჰოსპიტალში დააწვინეს. ავადმყოფობამაც ვერ გაგაჩერა თომა, სოხუმის ამბის გაგებისთანავე იმავე ღამეს გაიპარა აეროპორტში და პირველივე თვითმფრინავს გაყვა სოხუმში. სხვანაირად ვერც მოიქცეოდი, იქ ხომ შენი მეგობრები.

– მებრძოლი ბიჭები მიდიოდნენ და მათთან ერთად შენ უნდა ყოფილიყავი.

– 17 სექტემბერს სახლში დამირეკა, – ყვება თოლიკას დედა გულნარა ჯალაღონია.

პატიება მთხოვა გაპარვის გამო, თანაც დამამშვიდა, კარგად ვარ, არ ინერვიულოო,

მაგრამ დედის გული სულ სხვას გრძნობდა. ისეთი ხმა ჰქონდა საუბრის დროს, ახლა

რომ მახსენდება, ვგრძნობდი, მემშვიდობებოდა.

ეს იყო დედა-შვილის ბოლო საუბარი.

…სექტემბრის შუა რიცხვებში საქართველოს სასაზღვრო ჯარების ჯგუფი გაფრინდა

სოხუმში. მათ შორის პოლკოვნიკი რეზო ჯალაღონია, თომას მამა.

– სოხუმში რომ დამინახა, გადაირია, რატომ ჩამოხვედიო, ახლა აქაც დამიწყე

«კომანდობაო». მახსოვს თავისი სამხედრო აღჭურვილობა მაჩვენა. ეამაყებოდა –

მტერს არაფერს დავაკლებო – იხსენებს მამა.

22 სექტემბრამდე ერთად ომობდნენ მამა-შვილი, მერე კი მათი გზები გაიყო –

თოლიკა წითელ ხიდთან იბრძოდა, მამა – აეროპორტის მხარეზე. მერე შეიტყო თომას

დაჭრის შესახებ, მაგრამ ვაჟიშვილის სიკვდილი ვერავინ გაუმხილა.

თოლიასავით ლამაზად გაფრინდა, და ჩვენ ცოცხლად დარჩენილებს დაგვიტოვა

დარდი, ტკივილი და ოცნება – გაბრწყინებული და გამარჯვებული საქართველოს

აღორძინება».