დინოსი ხადური დაიბადა ცხინვალის რაიონის სოფელ საცხენეთში 1958 წლის 27 იანვარს.

მიიღო საშუალო განათლება. დარჩა მოხუცი მშობლები. მეუღლე და სამი შვილი.

გაზეთი „შიდა ქართლი“, 28 ნოემბერი,1991 წ. ვკითხულობთ: „მშვიდობის გიორგობა გაგვითენდესო – ოჯახს

უნატრე. წმინდა გიორგის მადლი ჰფარავდესო საქართველოს – ასე ილოცე წინადღისით, ვაი, რომ შავი გიორგობა

გაგითენეს არაკაცებმა, ვაი, რომ შენი სისხლით შეიღება 23 ნოემბერს დილა,ჩვენი დინოსი, რამდენჯერ გითქვამს:

შენს მეგობრებთან – თუ საქართველოსთვის სიკვდილი მიწერია, ბრძოლის ველზე ვინატრებდიო მას. არ შეგისრულდა. მუხანათური გამოდგა შენი სიკვდილი, ბანდიტების ხროვამ, პირისპირ შებმა რომ ვერ გაგიბედეს მაგოდენა დევკაცს, ზურგში გესროლეს, ალბათ ამიტომაც შემორჩა შენს გაციებულ სახეს მკვლელებისადმი ზიზღით გამოწვეული დამცინავი ღიმილი. ვიცით, შენი ამაყი სულის პატრონი ადვილად ქედს რომ არ მოუხრიდი მტერს. უიარაღო ვაჟკაცურად შეები პირსისხლიან ბანდიტებს და მაშინაც კი, როცა შენში სიკვდილი ებრძოდა სიცოცხლეს, არ გავიწყდებოდა ისინი, ვინც შენს გვერდიდან მძევლებად აიყვანეს.