ვალერი ერასტის ძე გერგედავა დაიბადა 1934 წელს.

'

გერგედავების ტკბილი და მოსიყვარულე ოჯახი სოხუმში, ტურბაზის რაიონში ცხოვრობდა.

 ნაირა და ვალერი  ორ შვილს - ქალ ვაჟს ზრდიდნენ. შრომობდნენ, ცხოვრობდნენ, ნათელი მომავლისა და შვილების ბედნიერი მომავლის სჯეროდათ.

 საბედისწერო შეიქმნა აფხაზეთის ომი მათთვის. 1993 წლის 5 მარტიდან ოჯახის უფროსი ვალერი გერგედავა ჩაირიცხა აფხაზეთის სამხედრო პოლიციის სამმართველოს სპეციალური დანიშნულების რაზმში. ვაჟიშვილი - ნუკრი ჯერაც სკოლის მოსწავალე იყო, მიუხედავად ამისა, აკითხავდა მებრძოლებს, ხშირად საკვები მიჰქონდა მათთვის. 

სოხუმის დაცემის შემდეგ ოჯახი თავს სოფ. ვარჩეს აფარებდა. ფეხდაფეხ გამორბოდნენ გერგედავები აფხაზეთიდან. გზაში მტერი დაესხა თავს. 17 წლის ნუკრი გერგედავა სიცოცხლეს დედის თვალწინ გამოასალმეს. მისი მშობლები კი საშინლად აწამეს. დევნილობაში გაგრძელდა შვილმკვდარი გერგედავების სიცოცხლე. თუ მაგას სიცოცხლე ჰქვია. რა გასაკვირია, რომ ნატანჯმა ვალერი გერგედავამ დიდხანს ვერ გაუძლო  და სრულად ახალგაზრდა მიიცვალა ფიზიკურ იარებისა და სულიერი ჭრილობების გამო. 

ამ სურათზე კარგად ჩანს ამ ლომივით ვაჟკაცის სულიერი კვება. თითქოს მის სახეში, ყველა დაღუპული ვაჟკაცის მამის ტკივილია გაერთიანებული. 

ღმერთმა ნათელში ამყოფოს!   

მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი