დაიბადა 1960 წლის 18 სექტემბერს ოჩამჩირის რაიონის სოფელ ოხურეიში.1978 წელს დაამთავრა ოხურეის საშუალოს კოლა. ამავე წელს გაიწვიეს სამხედრო-სავალდებულო სამსახურში. დემობილიზაციის შემდეგ მუშაობა დაიწყო შს სამინისტროში სპეცდანიშნულების ასეულის პოლიციის სერჟანტად, სადაც მსახურობდა სიკვდილი სბოლო დღემდე.
როგორც კი აფხაზეთში საომარი მოქმედებები დაიწყო, ვალერი ერთ-ერთ პირველთაგანი იყო, რომელიც უყოყმანოდ ჩადგა სამშობლოს ტერიტორიული მთლიანობის დამცველთა რიგებში, იბრძოდა გმირულად.
1998 წლის 25 მაისს გალის რაიონის სოფელ საბერიოში აფხაზმა სეპარატისტებმა ადგილობრივი მოსახლეობის აწიოკება. ამ დროისთვის ლემონჯავა ვალერი გაგზავნილი იქნა სპეცდანიშნულების ასეულის ათკაციანი ჯგუფი, რომ სოფლის მცხოვრებლებს დახმარებოდნენ ევაკუციაში. მოსახლეობის ენგურს გამოღმა გამოყვანის დროს აფხაზმა სეპარატისტებმა ავტომატური ცეცხლსასროლი იარაღიდან და ყუმბარტყორცნიდან გახსნეს ცეცხლი...
საბედისწერო გამოდგა ის დღე პოლიციის სერჟანტ ვალერი კოსტას ძე ლემონჯავასთვის. გალის რაიონში მტერთან უთანასწორო ბრძოლაში დაეცა,გმირი ვაჟკაცი.
გამოჩენილი გმირობის, ვაჟკაცობისა და თავგანწირვისთვის ლემონჯავა ვალერი სიკვდილის შემდეგ დაჯილდოვდა ვახტანგ გორგასლის მეორე ხარისხის ორდენით.
დაკრძალულია ქ. ზუგდიდში რკინიგზის დიდ სასაფლაოზე. ქ. ზუგდიდის მერიამ ტოლსტოის ქუჩის მეხუთე შესახვევს, სადაც ვალერის მეუღლე და შვილები ცხოვრობენ, ვალერი ლემონჯავას სახელი მიანიჭეს.
მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი