გვარჯალაძე (ხუხუნაიშვილი)  სიდონია (ერში, ნადეჟდა)  კონსტანტინეს ასული დაიბადა 15 მაისი 1937 წელს თბილისში.

მამა კონსტანტინე კონსტანტინეს ძე გვარჯალაძე დაბადებულია ლანჩხუთში (გურია)

დედა თამარ ლევანის ასული ოქროპირიძე დაბადებულია სოფელი ბიწმენდი (მცხეთა)

მეუღლე გურამ მიხეილის ძე ხუხუნაიშვილი. დაბადებული 1934 წლის 30 აგვისტოს. მცხეთიდან.

2024წ. 12 დეკემბერს ღვთივ განისვენა და ცათა სასუფეველს შეერთო სამთავროს მონასტრის მონოზონი სიდონია (ხუხუნაიშვილი). ერში ღვაწლმოსილმა პედაგოგმა (მცხეთის სკოლაში მათემატიკის მასწავლებელი), რომლის ხელშიც მრავალმა თაობამ გამოიარა, მონოზვნად შედგომა საკმაოდ ხანდაზმულ ასაკში გადაწყვიტა, თუმცა ამის მიუხედავად ენერგიულად განაგრძო სამონასტრო საქმიანობა. თავისი პროფესიიდან გამომდინარე განსაკუთრებით უყვარდა ადამიანებთან ურთიერთობა და მათთან საუბარი, ამიტომ დიდი პასუხისმგებლოებით ასრულებდა მონასტრის მუზეუმში გიდის მორჩილებას. ხშირად გადაუღიათ ფილმებშიც, სადაც სამთავროს მონასტრის ისტორიისა და აქ მოღვაწე წმიდანების შესახებ საუბრობდა.

დიდად გაიხარა, როდესაც მონოზვნად აღკვეცისას სიდონია უწოდეს. ამბობდა: ისიც მცხეთელი იყო და ამიერიდან, მეც სიდონია მცხეთელი დამიძახეთო. ბოლომდე გონებამახვილ, კულტურულ, საზრიან ადამიანად დარჩა. ღმერთმა გაანათლოს მისი უკდავი სული და საკმევლად გააყოლოს სიკეთეები, რაც ამ ქვეყნად უკეთებია. საუკუნოდ იყოს ხსენება მისი. ამინ.

შვილთან კახაბერ გურამის ძე ხუხუნაიშვილი ერთად დაბ. 1964 წელს

შვილთან კახაბერ გურამის ძე ხუხუნაიშვილი ერთად დაბ. 1964 წელს