გაბაშვილი ვასილ დავითის ძე - (30.III.1853 - 17.III. 1933)  თავდაპირველი განათლება მიიღო თბილისის კლასიკურ გიმნაზიაში.

შემდეგ დაამთავრა თბილისის ქვეით იუნკერთა სასწავლებელი. პრაპორშჩიკი (1875). 1877-1878 წლების რუსეთ-თურქეთის ომის მონაწილე. პოდპორუჩიკი (1877). პორუჩიკი (1878). მონაწილეობდა რუსეთის არმიის ლაშქრობაში შუა აზიაში (1879-1885). შტაბსკაპიტანი (1881). კაპიტანი (1888, წარჩინებისთვის). პოდპოლკოვნიკი (1895, წარჩინებისთვის). პოლკოვნიკი (1901). 1901 წლდან ბატალიონის მეთაურია, 1904-1908 წლებში - ქვეითთა 79-ე პოლკის მეთაური. 1908 მიენიჭა გენერალ-მაიორის წოდება.

1909-1912 წლებში სპარსეთის ლაშქრობის მონაწილეა. 1909 სპარსეთში მეთაურობდა ყაზვინის რაზმს. 1913 წელს მიენიჭა გენერალ-ლეიტენანტის წოდება და გავიდა თადარიგში, თუმცა I მსოფლიო ომის დაწყების გამო კვლავ დაუბრუნდა სამხედრო სამსახურს და დაინიშნა კავკასიის მე-3 მსროლელი ბრიგადის მეთაურად. 1915-1916 წლებში კავკასიის გრენადერთა დივიზიის მეთაურია.

1916-1917 წლებში იყო თბილისის სამხედრო კომენდანტი. 1917 წლის ბოლოს დაინიშნა ქართული საარმიო კორპუსის უფროსად.

დაჯილდოებული იყო ორდენებით: წმ. გიორგის მე-4 ხარისხის, წმ. სტანისლავის მე-3 ხარისხის ხმლებითა და ბაბთით, წმ. სტანისლავის მე-2 ხარისხის, წმ. სტანისლავის 1-ლი ხარისხის ხმლებით, წმ. ანას მე-3 ხარისხის ხმლებითა და ბაბთით, წმ. ანას მე-2 ხარისხის, წმ. ანას 1-ლი ხარისხის, წმ. ვლადიმირის მე-3 ხარისხის. დაჯილდოებული იყო იარაღით.

1918-1921 წლებში მსახურობდა საქართველოს შეიარაღებულ ძალებში. 1918 წელს იყო ქართული საარმიო კორპუსის უფროსი. 1919 წელს შეიმუშავა ქართული არმიის რეორგანიზაციის პროექტი. 1921 წლდან თადარიგშია. ცხოვრობდა თბილისში.

Габаев (Габашвили) Василий Давидович  (30.03.1853 – 17.03.1933)
            генерал-майор с 28.11.1908
            генерал-лейтенант с 30.03.1913

გაბაშვილი (გაბაევი) მიშა ვასილის ძემიხეილ (მიშა) გაბაშვილი - ვასილ გაბშვილი პირველი შვილი პირველი მეუღლისგან