დათო ტურაშვილი (1966) დაიბადა ქალაქ თბილისში. დაამთავრა თბილისის სახელმწიფო უნივერსიტეტის ფილოლოგიის ფაკულტეტი. 

მონაწილეობდა 80-ანი წლების სტუდენტურ მოძრაობაში. იყო 1989 წელს დავით გარეჯის სამონასტრო კომპლექსში მოწყობილი სტუდენტური საპროტესტო აქციის ერთ-ერთი ხელმძღვანელი. ბოლო წლების განმავლობაში, მწერლობასთან ერთად, ეწეოდა პედაგოგიურ საქმიანობასაც – კითხულობდა ლექციების კურსს თბილისის სახელმწიფო უნივერსიტეტის ჰუმანიტარულ ფაკულტეტებზე. კინოსა და ხელოვნების ისტორიას სწავლობდა ლონდონისა და მადრიდის უნივერსიტეტებში, კინოდრამატურგიას - ერლომ ახვლედიანის სასცენო სახელოსნოში. მისი პირველი რომანი დაიბეჭდა 1988 წელს. ყველაზე უკეთ ცნობილი ნაწარმოებია "ჯინსების თაობა", რომლის სცენური ვერსიის პრემიერა 2001 წლის მაისში გაიმართა თეატრალურ სარდაფში. მის სხვა ნაწარმოებთა შორისაა სამგზავრო წერილების კრებული "კატმანდუ" (1998) და "ცნობილი და უცნობი ამერიკა" (1993), ასევე მოთხრობათა ორი კრებული და კინოსცენარები. მისი მოთხრობათა პირველი კრებული "მერანი" გამოიცა 1991 წელს. გარდა სცენარებისა წერს რომანებს, მოთხრობებსა და პიესებს. დ. ტურაშვილის პირველი პროზაული კრებული გამოქვეყნდა 1991 წელს. მისი მოთხრობები თარგმნილია 7 ენაზე და გამოქვეყნებულია სხვადასხვა ქვეყნის ლიტერატურულ პერიოდიკაში. ასევე არის ავტორი სამეცნიერო-კვლევითი წერილებისა ლიტერატურათმცოდნეობასა და ისტორიოგრაფიაში. თარგმნილი აქვს როგორც პროზაული, ასევე პოეტური ტექსტები რუსული, ესპანური და ინგლისური ენებიდან.

• 2008 - ლიტერატურული პრემია "საბა", საუკეთესო პიესისათვის
  შავი კეტები (თეთრი იუმორის თანხლებით) : წინასაარჩევნო პიესა / დათო ტურაშვილი. - თბილისი : სიესტა, 2008.-76გვ.

• იყო და არა იყო რა, 1987-1991 : ისტერიული რომანი (ავტორი). - თბილისი, ბაკურ სულაკაურის გამ-ბა, 2012. - 152გვ.. - ISBN: 978-9941-15-575-8
• მე რომ ფეხბურთელი ვიყო : ოდა (ავტორი). - თბილისი, იბერია, 2011. - 188გვ.. - ISBN: 978-9941-9192-1-3
• ჯინსების თაობა : კინორომანი (ავტორი). - თბილისი, ბაკურ სულაკაურის გამ-ბა, 2008. - 162გვ.. - ISBN: 978-9941-403-85-9
• აჩიბაბა და ორმოცი ყოჩაღი : მოთხრობები (ავტორი). - თბილისი, ლიტერა, 2005. - 223 გვ. . - ISBN: 99940-833-9-2
• გურჯი ხათუნი (ავტორი). - თბილისი, ლიტერა, 2005. - 144გვ.. - ISBN: 99940-833-0-9
• ჩაძირული ქალაქის ღამე : ეთნოგრ. რომანის მოკლე ვერსია (ავტორი). - თბილისი, აზრი, 2002. - 229გვ.. - ISBN: 99928-70-51-6
• ჩემი ირლანდიელი პაპა (ავტორი). - თბილისი, საარი, 1999. - 96გვ.
• კატმანდუ : თანამდევი ფიქრი. (ავტორი). - თბილისი, ბაკურ სულაკაურის გამ-ბა, 1998. - 103გვ.. - ISBN: 99928-52-02-X
• მოთხრობები (ავტორი). - თბილისი, მერანი, 1990. - 88გვ.