ერისთავი, გიორგი მიხეილის ძე (9 მაისი 1947)  გენერალი 1999  საქართველოს სახელმწიფო უშიშროების სამინისტროს დაზვერვის სამმართველოს უფროსი (1994-1995), საქართველოს სახელმწიფო უშიშროების სამინისტროს აკადემიის რექტორი (1995-1999), დაჯილდოებულია 1 ორდენით და 6 მედლით

გიორგი მიხეილის ძე ერისთავი

(09.05.1947)

გენერალ-მაიორი (26.05.1999)

დაიბადა ქ. თბილისში.

 1972 წელს დაამთავრა თბილისის პოლიტექნიკური ინსტიტუტის მეტალურგიის ფაკულტეტი.

1973-1999 წლებში მსახურობდა სახელმწიფო უშიშროების სისტემაში სხვადასხვა თანამდებობაზე.

1988-1993 წლებში მსახურობდა საქართველოს უშიშროების მინისტრის აპარატის უფროსად, 1993-1994 წლებში – სახელმწიფო უშიშროების სამინისტროს თბილისის საქალაქო სამმართველოს უფროსად.

1994-1995 წლებში მსახურობდა სახელმწიფო უშიშროების სამინისტროს დაზვერვის სამმართველოს უფროსად,

1995 წელს დაინიშნა სახელმწიფო უშიშროების სამინისტროს აკადემიის რექტორად. 

2000 წლიდან თადარიგშია.

1998 წლიდან არის საქართველოს პედაგოგიური აკადემიის ნამდვილი წევრი. მინიჭებული აქვს საქართველოს სახელმწიფო უშიშროების საპატიო თანამშრომლის წოდება (1996 წ.). დაჯილდოებულია ,,ვახტანგ გორგასლის“ III ხარისხის ორდენით (1997 წ.).