დაბადების ადგილი: ქ. თბილისი.

პირველადი მუსიკალური განათლება მიიღო ზ. ფალიაშვილის სახელობის თბილისის მუსიკალურ ათწლედში, რომელიც დაამთავრა 1958 წელს, შემდეგ სწავლა გააგრძელა ვანო სარაჯიშვილის სახელობის თბილისის სახელმწიფო კონსერვატორიაში 1958–1961წწ. (საფორტეპიანო), 1971 წელს კი დაამთავრა თბილისის სახელმწიფო აკადემია(გრაფიკა); ის არის თოჯინების თეატრის ერთ–ერთი დაამაარსებელთაგანი ქ. ახალციხესა და გურჯაანში; დადგმული აქვს მუსიკალური სპექტაკლი: გლუკი – "ორფეოსი და ევრიდიკე"(1980, პირველი დადგმა ქ. გორში); პიანისტი, მხატვარი. 

თოჯინების თეატრში სცენოგრაფიული მოღვაწეობის 34 წლის განმავლობაში იგა აბაკელიას ავტორობით შეიქმნა ორმოცამდე სპექტაკლის სცენოგრაფია. 1975 წელს და 1981 წლიდან 2007 წლამდე იყო თოჯინების სახელმწიფო პროფესიულ თეატრის მთავარი მხატვარი. იგა აბაკელია სხვადასხვა დროს დაჯილდოებული იყო სსრკ კულტურის სამინისტროსა და თეატრის მოღვაწეთა კავშირის დიპლომებით.

წყარო: გამოყენებული ლიტერატურა: ქართული მუსიკის ენციკლოპედიური ლექსიკონი. – თბ., 2015. – გვ. 6;  საქართველოს შოთა რუსთაველის თეატრისა და კინოს სახელმწიფო თეატრალური ინსტიტუტის გაზეთი "დურუჯი".- თბ.,2017, N5 (113) 31 მაისი.- გვ.8: tafu.edu.ge

• 2001 - ღირსების ორდენი