დაამთავრა თბილისის სახელმწიფო სამხატვრო აკადემიის სახვითი ხელოვნების ფაკულტეტის კინო-ტელე განყოფილება 1979 წელს.

მონაწილეობდა 150-ზე მეტ გამოფენაში საქართველოსა და საზღვარგარეთ, მათ შორის, პერსონალური: თბილისის მხატვრის სახლი (1984); ფილმჰაუზის გალერეა (საარბრიუკენი, გერმანია, 1992); შერატონ მეტეხი პალასი (თბილისი, 1993, 1995); საქართველოს ხელოვნების სახელმწიფო მუზეუმი (თბილისი, 1995); გალერეა TMS (თბილისი, 2004); UN House, Tbilisi (2004); Paris "Maison du Caucase" (2004; 2007). 

საკავშირო და საერთაშორისო გამოფენები (მოსკოვი, 1980, 1985, 1987, 1988, 2001); მინი-გრაფიკის საერთაშორისო ბიენალე (ლოძი, პოლონეთი, 1985, 1987); საქართველოს ხელოვნება (ბერლინი, გერმანია 1988); "დეკო ინ" (ბერლინი, გერმანია, 1989); გალერეა ჰობი (1996, 1998, 2000); ქართული ხელოვნება (მოსკოვი, 1983, 1987, 2003); ქართული გრაფიკა (ბუდაპეშტი, უნგრეთი, 1990). ძირითადი ნამუშევრები: "ნატვრის ხე", სერია "ბავშობის გახსენება", სერია "ქართული მოტივები", სერია "შადრევანი", "ჩემი მეგობრები", "ფანჯარა".

1986-2007 წწ. ასწავლიდა თბილისის სახელმწიფო სამხატვრო აკადემიაში კინო დეკორაციის კომპოზიციას; 1984 წლიდან თბილისის სახელმწიფო უნივერსიტეტის ლექტორია. პროფესორი. მისი ნამუშევრები ინახება მუზეუმებსა და კერძო კოლექციებში: საქართველო, აშშ, რუსეთი, გერმანია, საფრანგეთი, შვეიცარია, იტალია, იაპონია, თურქეთი და სხვა.  მიღებული აქვს ექსლიბრისის - რესპუბლიკის კონკურსის I პრემია (1988); მხატვართა კავშირის პრიზი - ექსლიბრისის საკავშირო კონკურსზე (ბაქო, 1987), პრიზი გამოფენაზე "მხატვარი ხატავს პარიზს" (პარიზი, 2005). არის დამდგმელი მხატვარი ფილმებისა: "ყველაწმინდა" (ალავერდი, 1977), "გასეირნება" (1979).

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.292; თანამედროვე სახვითი ხელოვნების პორტალი: art.gov.ge; ეროვნული ფილმოგრაფიის პორტალი: geocinema.ge

• საქართველოს მხატვართა კავშირი, წევრი (1981-)

• Lali Lomtadze, Лали Ломтадзе