სოფიო მირზაშვილი (1909-1992)
ბიოგრაფია
დაბადების ადგილი: ქ. ოდესა.
დაამთავრა თბილისის სამხატვრო აკადემია 1932 წელს. მუშაობდა პეიზაჟის ჟანრში ("ნატურმორტი", 1974; "სვანეთის პეიზაჟი", 1933; "მიხაკები", 1976 - ყველა ავტორის კუთვნილება). წლების მანძილზე იკვლევდა და სწავლობდა ქართული მონუმენტური ფერწერის ნიმუშებს.
მაღალმხატვრულად გადმოიღო ბეთანიის, გელათის, ატენის, მღვიმევის, ხობის, ნაკიფარის, ყინწვისის, სორის, ზემო კრიხის, ნიკორწმინდის, ბიგუელის ფრესკათა პირები, მათ შორის, ზოგიერთი ფრესკა სოფიო მირზაშვილის ფირებმა შემოგვინახა (ორიგინალები აღარ არსებობს). მხატვარ თენგიზ (ჩუბჩიკა) მირზაშვილის დედა.
წყარო: ქართული საბჭოთა ენციკლოპედია: ტ.7.-თბ., 1984.-გვ.11; გზეთი "საქართველოს რესპუბლიკა" -თბ.,2005. - 5 ნოემბერი . - N257-258 (5290-5291). - გვ.13 (dspace.nplg.gov.ge
ჯილდოები, პრემიები და პრიზები
- 1978 - საქართველოს ხელოვნების დამსახურებული მოღვაწე