ვაჩე ან დაჩი — კახეთის მთავარი (ქორეპისკოპოსი) 827—839 წწ. ვაჩე უნდა იყოს „მატიანე ქართლისაჲში“ მოხსენიებული დაჩი ქორეპისკოპოსი (იოვანე ქვაბულის ძის, რაჭველი აზნაურის შვილი). მისი მმართველობის დასრულების შემდეგ კახეთის სამთავროში გარკვეული უპირატესობა მოიპოვა გარდაბნელთა ტომმა.

827 წელს კახეთის მთავრის გრიგოლის გარდაცვალების შემდეგ, მათ შეთქმულება მოაწყვეს, ხელში ჩაიგდეს კახეთ-კუხეთ-გარდაბნის ხელისუფლება და ვაჩე გაამთავრეს, თუმცა, უცნობია, რატომ აირჩიეს რაჭველი აზნაურის შვილი.

ვაჩე ქორეპისკოპოსის დროს კახეთში ადგილი ჰქონდა არაბთა შემოსევას ხალიდ იბნ-იაზიდის ხელმძღვანელობით. როგორც ჩანს, სახალიფო დიდად შეაშფოთა კავკასიაში განმათავისუფლებელი ტენდენციების გაძლიერებამ. არაბთა ეს შემოსევა მათი შერყეული მდგომარეობის განმტკიცებისა და კახეთის გაძლიერებისა და ტერიტორიული გაფართოების წინააღმდეგ იყო მიმართული.

829-830 წლებში ხალიდმა მოახერხა კახეთის დამორჩილება, აიღო ხარკი და უკან გაბრუნდა. აღსანიშნავია, რომ ხარკი 3 000 ფაშატისა და 20 000 ცხვრისაგან შედგებოდა.

861 წელს, აბასიანთა დინასტიის ხალიფა ალ-მუთავაქილის გარდაცვალების შემდეგ, ჰაისამ I გამოეყო აბასიანთა სახალიფოს, დააარსა მაზიადიდების დინასტია და გახდა დამოუკიდებელი მმართველი^[1]. მან შექმნა ძლიერი არმია, რომელიც დაკომპლექტებული იყო 50 000 ქვეითი და 10 000 ცხენოსანი ჯარით. ჰაისამ I-ის გარდაცვალების შემდეგ, მომდევნო შირვანშაჰი მისი შვილი — მუჰამედ I გახდა.

< >