დაბადების ადგილი: სოფელი კვახჭირი, თერჯოლის რაიონი. 

დაამთავრა ქ. ხარკოვის(უკრაინა) სახელმწიფო უნივერსიტეტის სამედიცინო ფაკულტეტი.

1916 წლიდან მუშაობდა თბილისის ლაზარეთის ორდინატორად; 1922-1924წწ. მივლინებულ იქნა საზღვარგარეთ, პარიზის, ბერლინისა და ვენის ცნობილ უროლოგიურ კლინიკებში; 1925 წელს დაიცვა სადოქტორო დისერტაცია; 1927 წელს ჩაუდგა სათავეში ახლად გახსნილ ქ. თბილისის N1 კლინიკური საავადმყოფოს უროლოგიურ განყოფილებას; ამავე წელს მიენიჭა დოცენტის წოდება; 1930 წელს მიენიჭა პროფესორის წოდება; 1930-1959წწ. ხელმძღვანელობდა თბილისის სახელმწიფო სამედიცინო ინსტიტუტის კათედრებს; ექიმთა დახელოვნების თბილისის სახელმწიფო ინსტიტუტის ქირურგიის და შემდეგ უროლოგიის კათედრას; ასევე იყო საქართველოს სსრ მეცნიერებათა აკადემიის სამეცნიერო განყოფილების თავმჯდომარე; 1949-1953წწ. არჩეულ იქნა თბილისის ექიმთა დახელოვნების თბილისის სახელმწიფო ინსტიტუტის დირექტორად; 1953-1965წწ. იყო მისი ინიციატივით დაარსებული უროლოგიის სამეცნიერო-კვლევითი ინსტიტუტის დირექტორი(1967-იდან ინსტიტუტს მისი სახელი მიენიჭა); მეორე მსოფლიო ომის(1941-1945) წლებში მუშაობდა საქართველოს ჯანდაცვის სამინისტროს მთავარ ქირურგად. შეისწავლიდა შარდკენჭოვან დაავადებას, უროლოგიის, კურორტოლოგიის, ბაქტერიოლოგიის, მედიცინის ისტორიის საკითხებს. შეიმუშავა რამდენიმე ოპერაციის (ორიგინალური) ტექნიკა. ქართულ ენაზე შეადგინა უროლოგიის პირველი სახელმძღვანელოები. შესრულებული აქვს 150-მდე სამეცნიერო ნაშრომი და 20-ზე მეტი მონოგრაფია.

წყარო: ქართული საბჭოთა ენციკლოპედია, ტ. 11, თბ. 1987, გვ. 348

• საქართველოს მეცნიერებათა აკადემია, აკადემიკოსი (1955-)
• სსრკ მედიცინის მეცნიერებათა აკადემია, წევრ-კორესპონდენტი (1946-)

• წითელი ვარსკვლავის ორდენი (2 ორდენი)
• შრომის წითელი დროშის ორდენი (2 ორდენი)
• ლენინის ორდენი

• ოპერაციული უროლოგიის საფუძვლები (ავტორი) // ნაწ. 2. - თბილისი, საბჭ. საქართველო, 1965. - 279გვ.
• ოპერაციული უროლოგიის საფუძვლები (ავტორი) // ნაწ. 1. - თბილისი, საბჭ. საქართველო, 1964. - 221გვ.
• უროლოგია (ავტორი) // ნაწ. 2 . - თბილისი, საქმედგამი, 1952. - 288გვ.
• ეროვნული ბიბლიოთეკა