რომან ბერულავა დაიბადა 1955 წლის 19 აპრილს სოხუმის რაიონის სოფელ თავისუფლებაში. სამხედრო-სავალდებულო სამსახურის შემდეგ დაოჯახდა,შეეძინათ ორი ქალიშვილი. 1992 წელს,აფხაზეთში ომის დაწყების პირველი დღიდანვე ჩადგა საქართველოს ტერიტორიული მთლიანობისთვის მებრძოლთა რიგებში. მსახურობდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-8 ბატალიონის პირველ ასეულში.
რომანი მონაწილეობდა ასეულის მიერ წარმოებულ საბრძოლო ოპერაციებში ცუგუროვკისა და იაშთხვის სიმაღლეების დასაცავად,როდესაც მტერი მოადგა ცუგუროვკის სტრატეგიულ სიმაღლეს, რომან ბერულავა თანამებრძოლებთან ერთად ეკვეთა მომხვდურთა ჭარბ ძალებს - სომხების „ბაგრამიანის ბატალიონს“, ჩეჩნების,აფსუების და რუსების სამხედრო ნაწილებს... მტერი უკუიქცა, მაგრამ, სამწუხაროდ, რომანისა და ბევრი თანამებრძოლის სიცოცხლის ფასად.
რომან ბერულავა 1993 წლის 13 ივლისს ცუგუროვკის მისადგომებთან იმსხერპლა საბედისწერო ჭურვის ნამსხვრევმა.
რომან ბერულავა დაკრძალულია სოფელ თავისუფლებაში.
საქართველოს პრეზიდენტის განკარგულებით სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავგანწირვისათვის რომან ბერულავა, სიკვდილის შემდეგ, დაჯილდოვდა ვახტანგ გორგასლის III ხარისხის ორდენით.