ომარ ფურცელაძე ელდარის ძე, დაიბადა 1971 წლის 25 აპრილს თბილისში.

დაამთავრა 124-ე. საშუალო სკოლა, სამხედრო სავალდებულო სამსახური მოიხადა გერმანიაში, ქალაქ პოსტდამში. 1991 წლის სექტემბრიდან მუშაობდა საქართველოს შინაგან საქმეთა სამინისტროს თბილისის პოლიციის სამმართველოში სისხლის სამართლის სამძებროში ოპერრწმუნებულად.

მამა ელდარ ფურცელაძე დაიბადა სოფელი ვეჯინი, გურჯაანი

მისი ოცნება იყო ძლიერი სამართლებრივი საქართველოსათვის ბრძოლა.

ამიტომაც აირჩია ეს პროფესია. ცდილობდა ყოველთვის იქ ყოფილიყო, სადაც,საჭრო იყო. წელს მისაღები გამოცდები ჩააბარა პოლიციის აკადემიაში სამართალმცოდნეობის ფაკულტეტზე თუმცა...

14 აგვისტოს 1992 წელი სოხუმისკენ მიმავალ გვარდიას წინ მიუძღოდნენ თბილისის პოლიციის სამმართველოს სისხლის სამართლის სამძებროს მუშაკები. ომარი.პირველ მანქანაში იჯდა- ტყვარჩელთან ატყდა სროლა. ცეცხლი აფხაზებმა გახსნეს. ფეხში დაიჭრა იმავე მანქანაში მყოფა მამუკა ლომიძე. ომარმა იგი მანქანას ამოაფარა და უცებ დაინახა, რომ სნაიპერის ტყვიამ მოცელა პაატა ნათენაძე და ახლა მის მისახმარებლად გაიქცა, მაგრამ მისი გადარჩენა ვეღარ მოასწრო. ისიც სნაიპერის ტყვიით განგმირული დაეცა ბრძოლის ველზე.

პაატას ერთი გოგონა დარჩა, ომარს ცოლ-შვილი არ ჰყოლია, მან ისიც კი ვერ გაიგო, რომ სტუდენტი გახდა. მტერთან ბრძოლაში დაეცა და დატოვა ერთადერთი ვაჟკაცის გამზრდელი გამწარებული მშობლები.

უფალმა აცხონოს მისი სული!

ომარ ფურცელაძე სიკვდილის შემდეგ დაჯილდოვდა მედლით „მხედრული მამაცობისათვის“,

დაკრძალულია თბილისში, დამპალოს სასაფლაოზე

ითანამშრომლა მაკო ფურცელაძე, და

< >