დაიბადა 1945 წლის 25 სექტემბერს აბაშის რაიონის სოფ. მაიდანში. აქვე მიიღო საშუალო განათლება. ბავშვობიდანვე ზრდილობთ, ერთგულებით, ნიჭიერებითა და თავაზიანობის გრძნობით გამოირჩეოდა. სამხედრო სავალდებულო სამსახური გერმანიის დემოკრატიულ რესპუბლიკაში პირნათლად გაიარა, საიდანაც ოჯახმა არაერთი მადლობის წერილი მიიღო. 

შემდეგ კი სწავლა მილიციის უმაღლეს სკოლაში ქ. მოგილიოვში განაგრძო, რომლის დამთავრების შემდეგ მუშაობა ოჩამჩირის სახაზო სატრანსპორტო რკინიგზის მილიციაში დაიწყო. ორ ვაჟკაცს უზრდიდა სამშობლოს და ბედნიერად ცხოვრობდა, სანამ . . . აფხაზეთი ცეცხლის ალში გაეხვეოდა. 

დევიზ ბაღათურია, როგორც ბევრი სხვა, იძულებული გახდა მშვიდობიანი ცხოვრება მიეტოვებინა და სამშობლოს დასაცავად პატრიოტთა შორის ჩამდგაროყო. აქტიურ მონაწილეობას ღებულობდა აფხაზეთის სატრანსპორტო პოლიციის მიერ განხორციელბულ ყველა ოპერატიულ ღონისძიებაში. 

1993 წლის 14 ივნისი კი მისთვის უკანასკნელი გაბრძოლება გამოდგა. იგი აფხაზ სეპარატისტებთან მორიგი ოპერაციის შესრულებისას მძიმედ დაიჭრა, ორი დღე ებრძოდა სიკვდილს, მერე კი დაიღუპა. 

დევიზ ბარათურია დაკრძალულია აბაშის რაიონის სოფ. მაიდანის სასასფლაოზე. 

აფხაზეთის ომმა ძალიან ბევრი გმირი გამოავლინა. იმედი მაქვს მათი სახელები სამუდამოდ ჩაიბეჭდება ქართველი ერის ისტორიაში.