
ბერძული გურამ ზაურის ძე, დეკანოზი. დაბ.1971წ. ქ.ტყიბული. 2000 წ. თბილისის სასულიერო აკადემია, 2005 წ. 17 ივლისი დიაკვანი, მსახურობდა ავჭალის წმ. იოანე ნათლისმცემლის მონასტერში. 2007 წ. 7 ივლისს  მღვლად ხელდასხმა ამავე ტაძარში. 2010წ დეკანოზი,  ოქროს ჯვრი, 2016წ, გამშვენებული ჯვრი. 2018 წ. ზაჰესის წმ. გრიგოლ ხანძთელის ტაძრის წინამძღვარი. 6 შვილის მამა 2024წ. წყარო ავტ.
საპატრიარქოს უწყებანი N28 21-27ივლისი 2005წ გვ.4 
კურთხევა
17 ივლისს სრულიად საქართველოს კათოლიკოს-პატრიარქმა, უწმიდესმა და უნეტარესმა ილია II თბილისის ყოვლადწმიდა სამების საპატრიარქო ტაძარში დიაკვნად აკურთხა თბილისის სასულიერო აკადემიის კურსდამთავრებული გურამ ბერძული, ხოლო ქაშუეთის წმიდა გიორგის სახელობის ტაძრის დაკონს ზურაბ მჭედლიშვილს მღვდლად დაასხა ხელი. მღვდელი ზურაბი კოჯრის ყოვლადწმიდა ღვთისმშობლის მიძინების სახელობის ტაძარში იმსახურებს.
საპატრიარქოს უწყებანი N17 13-19მაისი 2010წ გვ. 9 
დაჯილდოვება.
6 მაისს ყოვლადწმინდა სამების სახელობის საპატრიარქო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ ეკლესიაში ერთგული სამსახურისათვის დააჯილდოვა მცხეთა-თბილისის ეპარქიის სამღვდელოება: მიტრით — წმინდა ნინოს სახელობის ეკლესიის (ჩხეიძის ქუჩა) წინამძღვარი, დეკანოზი რევაზ ოთარაშვილი; ოქროს ჯვრითა და დეკანოზის წოდებით — მეტეხის ყოვლადწმინდა ღვთისმშობლის შობის სახელობის ეკლესიის მღვდელმსახური, მღვდელი ანტონ კიკნაველიძე, ავჭალის წმინდა იოანე ნათლისმცემლის სახელობის ეკლესიის მღვდელმსახური, მღვდელი გურამ ბერძული; ოქროს ჯვრითა და იღუმენიას წოდებით — ავჭალის წმინდა იოანე ნათლისმცემლის სახელობის დედათა მონასტრის წინამძღვარი, მონაზონი იოანა (კვირკველია).