ნატახტარი (მცხეთა) დედათა მონასტერი;
სულ რაოდენობა: 7
ბმულის კოპირება2011 წლის 16 ოქტომბერს ნატახტარში ყოვლადწმინდა ღვთისმშობლის მსწრაფლშემსმენელის ხატის სახელობის ახალი ტაძარი აკურთხა გარდაბნისა და მარტყოფის ეპისკოპოსმა იაკობმა (იაკობიშვილი). იმავე დღეს ახლადაგებული ტაძარი სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ წმინდა სინოდის წევრებთან ერთად მოილოცა და პარაკლისი შეასრულა. ახლად ნაკურთხი ტაძარი უძველეს ნანგრევებზეა აგებული. როგორც ამბობენ, სულ რაღაც რამდენიმე თვის წინ ამ ადგილას მხოლოდ სამი ხე იდგა. კათოლიკოს პატრიარქის ლოცვა-კურთხევითა და არქიმანდრიტ ილიას (ნასიძე) ძალისხმევით, ტერიტორია დასუფთავდა. გაწმენდითი სამუშაოების დასრულების შემდეგ ადრექრისტიანული ხანის ერთნავიანი ბაზილიკური ტიპის ეკლესიის ნანგრევები და ამავე პერიოდის სამარხები აღმოაჩინეს. სპეციალისტების განცხადებით, ეს ისტორიული ადგილი საფუძვლიან შესასწავლია. ტაძრის სამშენებლო სამუშაოებში ადგილობრივებიც აქტიურად მონაწილეობდნენ. კათოლიკოს-პატრიარქმა ილია II-მ ეკლესიის ეზოში გაშენებული მეურნეობა დაათვალიერა. ახლადაგებული ტაძრის მიმდებარე ტერიტორიაზე სამონასტრო კომპლექსის მშენებლობა მიმდინარეობს. სასულიერო პირებისთვის სენაკები და სატრაპეზო აიგება მსწრაფლშემსმენელის ყოვლადწმინდა ღვთისმშობლის სახელობის ტაძარი სამების საპატრიარქო ტაძრის მეტოქიონი გახდება.
აღდგენითი სამუშაოებისას აღმოჩენილი ეკლესიის "დარბაზული" ტიპის ნანგრევების, ტაძრის გარშემო არსებული აკლდამების და მათში მოთავსებული ნივთების დათვალიერებით, რომელიც ჩატარებული იქნა კულტურული მემკვიდრეობის დაცვის ეროვნული სააგენტოს ექსპერტების მიერ, ირკვევა, რომ აღნიშნული ნანგრევები მეხუთე საუკუნის ბოლო--მეექვსე საუკუნის პირველ ნახევარს მიეკუთვნება...
ისტორიულად ცნობილია, რომ " ქართლის მოსახლეობა წმიდა ნინოს მცხეთის ჭალებში შეეგება"... ტაძრის ადგილმდებარეობის და საუკუნოვანი სიძველის საფუძველზე,შეგვიძლია ვივარაუდოთ,რომ ეს ის ადგილია, სადაც მოხდა წმიდა ნინოს და ქართლელების შეხვედრა.
ამჟამინდელი ეკლესია,არა მხოლოდ ადრინდელი საუკუნეების მართლმადიდებლური ტაძარია, ის აგრეთვე წარმოადგენს მნიშვნელოვან ისტორიულ ძეგლსაც; მის ტერიტორიაზე აუცილებელია გაგრძელდეს შემდგომი არქეოლოგიური სამუშაოები, ისტორიული ნიმუშების აღმოჩენის მიზნით—განაცხადა ისტორიის მეცნიერებათა დოქტორმა ბ-ნ იულონ გაგოშიძემ.
2020 წლის შემოდგომას უწმიდესის ლოცვა-კურთხევით აღნიშნული მამათა მონასტერი გადაკეთებულ იქნა დედათა მონასტრად, რომელიც ფუნქციონირებს თბილისის სამების საკათედრო ლავრის ხელშეწყობით და დედათა მონასტრის წინამძღვრის იღუმენია მარიამის (ტიკურიშვილი) ხელმძღვანელობით.
 დაბ. 30 ნოემბერი 1979წ. 2020-2026წ. მდგომარეობით იღუმენია სრულად ნახვატიკურიშვილი თამარ გიორგის ასული დაიბადა 1979, სამთავროში მოვიდა 2003 გვ. 164
|
|
|
|
|
|
|
|
|
 2026წ. მდგომარეობით სწირავს მონასტერში არქიმანდრიტი სრულად ნახვა
ბრეგვაძე ანგია მღვდელმონაზონი, მცხეთა თბილისის ეპარქია მოსახსენებელი 2008 წ. გვ. 23
საპატრიარქოს უწყებანი N36 5-18 ოქტომბერი 2006წ გვ.13 აღკვეცა 27 სექტემბერს, ჯვართამაღლების დღესასწაულზე, ფერისცვალების მამათა მონასტრის წინამძღვარმა, არქიმანდრიტმა ბართლომემ (ფირცხალაიშვილი) ბერად აღკვეცა წალკის კონსტანტინესა და ელენეს სახელობის მამათა მონასტრის მორჩილი დემეტრე ბრეგვაძე და მცხეთის წმინდა გიორგის სახელობის მონასტრის მორჩილი გიორგი უსუფაშვილი. დემეტრეს ეწოდა ანგია, ხოლო გიორგის – ევსტაფი. 30 სექტემბერს ახალციხის წმინდა დიდმოწამე მარინეს სახელობის საკათედრო ტაძარში სრულიად საქართველოს კათოლიკოს-პატრიარქის ილია II-ის ლოცვა-კურთხევით, ახალციხის, ტაო-კლარჯეთისა და ლაზეთის მიტროპოლიტმა თეოდორემ (ჭუაძე) მღვდლად დაასხა ხელი წალკის წმინდა კონსტანტინესა და ელენეს სახელობის მამათა მონასტრის ბერ-დიაკვან ანგიას (ბრეგვაძე) და დაიკვნად აკურთხა თბილისის ყოვლადწმინდა სამების საპატრიარქო ტაძრის ბერი იოანე (ტოგონიძე). მამა ანგია წალკის მამათა მონასტრის წინამძღვრად დაინიშნა, ხოლო ბერ-დიაკვანი იოანე სამების საპატრიარქო ტაძარში იმსახურებს. დაჯილდოება 19 დეკემბერს სიონის საპატრიარქო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ მღვდელ-მონაზონი ანდრია (ბრეგვაძე) აღიყვანა იღუმენის ხარისხში და გამშვენებული ჯვრით დააჯილდოვა.
|
|
|
| ეკლესიის მსახურნი და შემწირველნი |
